नागरिकांनो! सोलापूर जिल्ह्यातील ‘या’ ग्रामपंचायतींसाठी प्रशासनाने सूचना, हरकती मागवल्या; प्रारूप मतदार यादी प्रसिद्ध

टीम मंगळवेढा टाईम्स। 

सोलापूर जिल्ह्यातील पन्नास ग्रामपंचायतींची डिसेंबरअखेर पंचवार्षिक मुदत संपणार आहे. या पार्श्वभूमीवर या ग्रामपंचायतींमध्ये डिसेंबरअखेर निवडणूक कार्यक्रम प्रस्तावित असून, सध्या या गावात प्रारूप प्रभाग रचनेचे काम पूर्ण झाले आहे.

१४ फेब्रुवारी रोजी प्रारूप मतदार यादी प्रसिद्ध झाली असून मंगळवार, २० फेब्रुवारीपर्यंत संबंधित गावकऱ्यांकडून हरकती व सूचना मागवल्या आहेत. २३ फेब्रुवारी रोजी प्रभागनिहाय अंतिम मतदार यादी प्रसिद्ध होणार आहे.

निवडणूक आयोगाने या ५० ग्रामपंचायतींमध्ये प्रभागनिहाय आरक्षण सोडत कार्यक्रमदेखील झाला आहे. शुक्रवारी, ९ फेब्रुवारी रोजी संबंधित ग्रामपंचायत कार्यालयात आरक्षण सोडत झाली.

अनुसूचित जाती महिला, अनुसूचित जमाती महिला, नागरिकांचा मागासवर्ग प्रवर्ग, नागरिकांचा मागासवर्ग प्रवर्ग, महिला व सर्वसाधारण महिला प्रवर्ग आरक्षणाची सोडत कार्यक्रम पार पडली.

२० फेब्रुवारीपर्यंत आरक्षण निश्चितीबाबत हरकती व सूचना दाखल करण्यासाठी मुदत देण्यात आली. २१ फेब्रुवारी रोजी उपविभागीय अधिकारी हरकती विचारात घेऊन अभिप्राय सादर करणार आहेत.

२३ फेब्रुवारी रोजी उपविभागीय अधिकाऱ्यांचे अभिप्राय विचारात घेऊन अंतिम अधिसूचनेस जिल्हाधिकारी कुमार आशीर्वाद हे मान्यता देणार आहेत. २३ फेब्रुवारी रोजी अंतिम आरक्षण व अंतिम प्रभाग रचना प्रसिद्ध केली जाणार आहे.

या गावांमध्ये पुढच्या वर्षी निवडणुका

■ मंगळवेढा : कागष्ट, माळेवाडी, खवे, जित्ती, शिवणगी, येळगी, हुन्नर, बार्शी : सुर्डी, लाडोळे, रुई, ताडसोंदणे, दहिटणे, दक्षिण सोलापूर : कुडल, आलेगाव अक्कलकोट : सातनदुधनी, संगोगी ब., समर्थनगर, कल्लप्पावाडी, गांधीनगर सोळसे लमाण तांडा. माढा वेणेगाव, उजनी टें. करमाळा : वरकुटे, भाळवणी, लव्हे.

पंढरपूर : बिटरगाच, जळोली, जाधववाडी, पांढरेवाडी, गाडी, लोणारवाडी, मोहोळ : कोन्हेरी, लमाण तांडा, वड्डेगाव, गोटेवाडी. सांगोला : सोनलवाडी, बागलवाडी, गळवेवाडी, सोनंद. माळशिरस : खुडूस, हनुमानवाडी, जाधववाडी, झंजेवाडी, सुळेवाडी, डोंबाळवाडी, पिलीव, भांबुर्डी, डोंबाळवाडी कु., झिंजेवस्ती

राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 99 70 76 6262 हा आमचा नंबर.

ब्रेकिंग बातम्या मोबाईलवर मिळवण्यासाठी आम्हाला 99 70 76 6262 या नंबरला WhatsApp करा आणि लिहा “Mangalwedha Times News”

विश्वसनीय ऑनलाईन पोर्टल ‘मंगळवेढा टाईम्स’ला बातम्या व जाहिरात देण्यासाठी आजच संपर्क करा : 75 88 214 814

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज