मंगळवेढा टाईम्स न्युज नेटवर्किंग।
राज्यातील रिक्षा आणि टॅक्सी चालकांना मराठी भाषा सक्तीची करण्याच्या विषयावरुन वादंग माजला असताना आता महाराष्ट्रात मराठी भाषेची परिस्थिती फारशी सुखावह नसल्याचे आणखी एक उदाहरण समोर आले आहे.
महाराष्ट्र राज्य माध्यमिक व उच्च माध्यमिक शिक्षण मंडळातर्फे 2026 मध्ये घेण्यात आलेल्या दहावीच्या परीक्षेचा ऑनलाईन निकाल काल शुक्रवारी जाहीर झाला. या परीक्षेत 92 टक्के विद्यार्थी उत्तीर्ण झाले.
मात्र, महाराष्ट्राच्या दृष्टीने चिंताजनक बाब म्हणजे प्रथम भाषा म्हणून मराठी विषय निवडणाऱ्यांपैकी तब्बल 80 हजार विद्यार्थी नापास झाले आहेत. या परीक्षेत 35 विषयांपैकी 12 विषयांचा निकाल 100 टक्के लागला.
मात्र, त्याचवेळी प्रथम भाषा मराठी असणाऱ्या 10 लाख 87 हजार 699 विद्यार्थ्यांपैकी 80 हजार 803 विद्यार्थी म्हणजे जवळपास 7 टक्के विद्यार्थी नापास झाले आहेत.
तसेच द्वितीय आणि तृतीय भाषा म्हणून मराठीची निवड करणाऱ्या 4 लाख 13 हजार 917 विद्यार्थ्यांपैकी 13 हजार 741 विद्यार्थी अनुत्तीर्ण झाले आहेत. आगामी काळात ही मराठी भाषेच्यादृष्टीने चिंतेची बाब मानली जात आहे.
शिक्षणतज्ज्ञांच्या मते शुद्धलेखनातील चुका आणि वाचनाचा अभाव यामुळे मराठी भाषेतील अनुत्तीर्णांची संख्या वाढली आहे. त्यासाठी विद्यार्थ्यांमध्ये मराठी भाषेची आवड आणि शिकवण्याच्या पद्धतीत बदल करावा.
तसेच मराठी विषय दहावीपर्यंत अनिवार्य असलेल्या कायद्यात सुधारणा करुन मराठी बारावीपर्यंत अनिवार्य करण्याची गरज शिक्षणतज्ज्ञांकडून व्यक्त करण्यात आली.
यावर्षी राज्याचा दहावीचा निकाल 92.09 टक्के लागला आहे. राज्यात कोकण विभागाचा निकाल सर्वाधिक लागला असून 97.62 विद्यार्थी उत्तीर्ण झाले आहे.
या परीक्षेस राज्यातील पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर, कोकण या नऊ विभागीय मंडळांमधून एकूण 15,55,026 नियमित विद्यार्थ्यांनी नोंदणी केली होती.
त्यापैकी 15,42,472 विद्यार्थी परीक्षेस प्रविष्ट झाले असून त्यांपैकी 14,20,486 विद्यार्थी उत्तीर्ण झाले आहेत. त्यांची एकूण उत्त्तीर्णतेची टक्केवारी 92.09 आहे.
गुजराती भाषेत 100 टक्के विद्यार्थी उत्तीर्ण, अरेबिक भाषेतही 99 टक्के विद्यार्थी पास
महाराष्ट्र बोर्डाच्या दहावीच्या परीक्षेत द्वितीय आणि तृतीय भाषा म्हणून गुजराती भाषेची निवड करणाऱ्या 302 विद्यार्थ्यांपैकी सर्व म्हणजे 100 टक्के विद्यार्थी उत्तीर्ण झाले आहेत.
तर संस्कृत ही द्वितीय किंवा तृतीय भाषा निवडणाऱ्या 96 हजार 331 विद्यार्थ्यांपैकी 95 हजार 571 विद्यार्थी उत्तीर्ण झाले आहेत. तर अरेबिक भाषेचा निकाल 99.59 टक्के लागला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
