टीम मंगळवेढा टाईम्स ।
बाळूमामा देवस्थान (आदमापूर) मंदिरात 60 कोटी रुपयांचा महाघोटाळा उघडकीस आला असून या प्रकरणात थेट उपनिबंधक रागिणी खडके आणि देवस्थान समितीच्या पदाधिकाऱ्यांवर गुन्हा दाखल करण्यात आला आहे.
ज्या अधिकाऱ्याची नियुक्ती मंदिर प्रशासनातील पारदर्शकता आणि तपासणीसाठी करण्यात आली होती, त्यांनीच या घोटाळ्यात मुख्य भूमिका बजावल्याचे समोर आल्याने संपूर्ण राज्यात एकच खळबळ उडाली आहे.
समोर आलेल्या माहितीनुसार आरोपींनी मंदिराच्या आर्थिक व्यवहारांमध्ये आणि मालमत्तेच्या नोंदींमध्ये बनावट कागदपत्रे व दस्त तयार करून मोठ्या प्रमाणावर फेरफार केला.
मंदिराच्या खात्यातील आणि भाविकांनी दिलेल्या दानातील तब्बल ६० कोटी रुपयांचा निधी बेकायदेशीरपणे वळवण्यात आला.
उपनिबंधक या शासकीय पदावर कार्यरत असणाऱ्या रागिणी खडके यांच्याकडे देवस्थानच्या कारभारावर देखरेख ठेवण्याची जबाबदारी होती. मात्र, तपासणीच्या नावाखाली त्यांनीच पदाचा गैरवापर करत हा घोटाळा घडवून आणला.
गुन्हा दाखल व कायदेशीर कारवाई
उपनिबंधक रागिणी खडके आणि बाळूमामा देवस्थान समितीचे तत्कालीन व विद्यमान पदाधिकारी यांच्यावर गुन्हा दाखल करण्यात आलाआहे. फसवणूक, आर्थिक गैरव्यवहार, बनावट कागदपत्रे तयार करणे आणि शासकीय पदाचा गैरवापर करून अपहार करणे असे आरोप करण्यात आल्या आहेत.
या प्रकरणी पोलीस ठाण्यात अधिकृत गुन्हा दाखल झाला असून, आर्थिक गुन्हे शाखेकडून (EOW) या संपूर्ण गैरव्यवहाराचा सखोल तपास सुरू आहे.
मंदिराच्या इतिहासातील सर्वात मोठा घोटाळा
श्री संत बाळूमामा यांच्या आदमापूर येथील मंदिराला दरवर्षी लाखो भाविक भेट देतात आणि कोट्यवधींचे दान जमा होते. भाविकांच्या श्रद्धेचा आणि पैशाचा असा गैरवापर झाल्याचे समोर आल्याने वारकरी संप्रदाय व भाविकांमध्ये तीव्र संताप व्यक्त केला जात आहे.
तपास यंत्रणांकडून या प्रकरणातील मूळ दस्तऐवजांची पडताळणी सुरू असून घोटाळ्याची व्याप्ती आणि यातील इतर सहभागी व्यक्तींची नावे लवकरच समोर येण्याची शक्यता आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
