मंगळवेढा टाइम्स न्युज नेटवर्क ।
सोलापूर जिल्ह्यातील बार्शी शहरात एक अत्यंत धक्कादायक आणि काळजाचा थरकाप उडवणारी घटना उघडकीस आली आहे. पतीच्या कथित त्रासाला आणि छळाला कंटाळून एका 26 वर्षीय आईने स्वतःच्या अवघ्या 10 महिन्यांच्या निष्पाप मुलीचा गळा दाबून, त्यानंतर तिला पाण्याच्या बादलीत बुडवून खून केल्याचा धक्कादायक आरोप केला आहे.
ही थरारक घटना बार्शी शहरात घटना बार्शी शहरात घडली असून या घटनेने संपूर्ण जिल्ह्यात एकच खळबळ उडाली आहे.
मिळालेल्या माहितीनुसार, आरोपी आउणे केवळ धाकट्या 10 महिन्यांच्या मुलीलाच नव्हे तर, आपल्या 6 वर्षांच्या मोठ्या मुलीलाही जीवे मारण्याचा प्रयत्न केला.
मात्र, त्या 6 वर्षांच्या निष्पाप बलिकेने आई मी शाळा शिकते, मला मारू नकोस अशी आर्त विनवणी ऐकून आईच मन विरघळले आणि तिने मोठ्या मुलीला सोडले, ज्यामुळे तिचा जीव थोडक्यात वाचला.
हत्येनंतर मृत चिमूकलीला खांद्यावर घेऊन आई थेट पोलीस ठाण्यात
या हृदयद्रावक हत्येनंतर परिसरात आणखी एक धक्कादायक प्रकार पाहायला मिळाला. पोटच्या मुलीची हत्या केल्यानंतर आरोपी महिला त्या मृत चिमूरडीला आपल्या खांद्यावर घेऊन थेट बार्शी शहर पोलीस ठाण्यात हजर झाली.
माझ्या पतीच्या त्रासाला कंटाळून मी मुलीची हत्या केली आहे, मला अटक करा असे पोलिसांना सांगितले. महिलेचे हे बोलणे ऐकून पोलीस ठाण्यातील अधिकारी आणि कर्मचारीही सुन्न झाले.
या घटनेनंतर १० महिन्यांच्या ‘शक्ती’ नावाच्या चिमुरडीला तातडीने ग्रामीण रुग्णालयात दाखल केले. मात्र, तेथील डॉक्टरांनी तिला तपासून मृत घोषित केले. या संपूर्ण घटनेची सविस्तर आणि डोळ्यात पाणी आणणारी माहिती मृत बालिकेची मोठी बहीण तेजल हिने पोलिसांना दिली आहे.
या प्रकरणी आरोपी महिला पूजा योगेश खुर्दामळे हिच्याविरुद्ध बार्शी शहर पोलीस ठाण्यात भारतीय न्याय संहिता (BNS) कलम १०३(१) (खून) आणि १०९ अंतर्गत गुन्हा दाखल करण्यात आला आहे. पतीच्या छळाची पार्श्वभूमी आणि या हत्येमागील नेमके कारण काय, याचा पुढील तपास बार्शी शहर पोलीस करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
