टीम मंगळवेढा टाईम्स (प्रतिनिधी):
तालुक्यातील बोराळे येथे घराचे बांधकाम सुरू असल्याचा गैरफायदा घेत चोरट्याने घरातील देव्हाऱ्याखाली डब्यात ठेवलेले सोन्याचे दागिने आणि रोख रक्कम असा तब्बल १ लाख ४६ हजार रुपयांचा ऐवज लंपास केला. ही घटना २८ ऑक्टोबरच्या मध्यरात्री घडली असून, या प्रकरणी मंगळवेढा पोलीस ठाण्यात अज्ञात चोरट्याविरुद्ध गुन्हा नोंदवण्यात आला आहे.
नेमकी घटना काय?
बोराळे येथील रहिवासी फिर्यादी प्रकाश कोरे यांच्या घराचे सध्या बांधकाम सुरू आहे. त्यामुळे घराच्या मुख्य प्रवेशद्वाराला अद्याप दरवाजा बसवलेला नव्हता. दि. २८ ऑक्टोबर रोजी रात्री १० च्या सुमारास नेहमीप्रमाणे घरातील सर्वजण जेवण आटोपून बेडरूममध्ये झोपण्यासाठी गेले.
झोपण्यापूर्वी कुटुंबीयांनी स्वयंपाकघराचा (किचन) दरवाजा केवळ ओढून घेतला होता, त्याला कडी-कुलूप लावले नव्हते.
मांजरामुळे चोरीचा प्रकार उघड
पहाटे सव्वाचारच्या सुमारास फिर्यादी कोरे यांना जाग आली असता किचनमध्ये मांजर फिरताना दिसली. त्यामुळे त्यांनी आईकडे जाऊन विचारणा केली असता, किचनचा दरवाजा फक्त ओढून घेतल्याचे समजले.
संशय आल्याने फिर्यादीने तत्काळ स्वयंपाकघरात जाऊन पाहिले असता देव्हाऱ्याखाली ठेवलेला डबा गायब असल्याचे निदर्शनास आले.
या डब्यात ठेवलेले सोन्याचे दागिने आणि रोख रक्कम असा एकूण १ लाख ४६ हजार रुपयांचा मुद्देमाल अज्ञात चोरट्याने मध्यरात्रीच्या सुमारास चोरून नेल्याचे निष्पन्न झाले.
यानंतर फिर्यादी यांनी मंगळवेढा पोलिसांत धाव घेत तक्रार दाखल केली. पोलिसांनी अज्ञात चोरट्याविरुद्ध गुन्हा नोंदवला असून, पुढील तपास सुरू आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
