मंगळवेढा टाईम्स न्युज नेटवर्किंग ।
माढा तालुक्यातील गवळेवाडी येथे जिल्हा परिषद प्राथमिक शाळेत एसआयआरचे काम सुरू असताना, नाव नोंदवण्याच्या वादातून एकावर थेट रिव्हॉल्व्हर रोखून जिवे मारण्याची धमकी दिल्याचा प्रकार बुधवारी सायंकाळी घडल्याची माहिती समोर आली आहे.
याप्रकरणी राजकुमार कल्याण गवळी (रा.गवळेवाडी, ता. माढा) याच्यावर कुर्दुवाडी पोलिस ठाण्यात पोपट भानुदास गवळी (रा. गवळेवाडी, ता. माढा) यांनी दिलेल्या फिर्यादी वरून गुन्हा दाखल झाला आहे.
पोलिसांनी दिलेल्या माहितीनुसार, गवळेवाडी येथील जिल्हा परिषद प्राथमिक शाळेत बीएलओ सोनावणे यांच्याकडून एसआयआर २०२६ नोंदणीचे काम सुरू होते. त्यावेळी स्थानिक शेतकरी पोपट गवळी हे आपल्या नातेवाइकांची कागदपत्रे घेऊन नोंदणीसाठी गेले होते.
दरम्यान गावातील राजकुमार गवळी तेथे आला. त्याने पोपट बाबू सरडे आणि वंदना पोपट सरडे यांची नावे नोंदवण्यास आक्षेप घेत, ‘मी तुला नोंदणी करू देत नाहीं’ असे म्हणून पोपट गवळी यांच्याशी हुज्जत घालण्यास सुरुवात केली.
वर्ग खोलीत ढकलून वाचवला जीव
शाळेतील हा प्रकार पाहून उपस्थित किरण गवळी आणि पंडित गवळी यांनी मध्यस्थी केली. त्यांनी पोपट गवळी यांना तातडीने शाळेतील एका वर्ग खोलीत ढकलून बाहेरून दरवाजा लावून घेतला आणि त्यांचा जीव वाचवला.
त्यानंतर राजकुमार गवळी याने मध्यस्थी करणाऱ्या दोघांवरही हातातली रिव्हॉल्व्हर ताणून, ‘तुम्ही मध्ये येऊ नका, नाहीतर मी तुम्हाला पण सोडणार नाही,’ असा दम भरला.
माझा इतिहास भयानक, धमकी देत शिवीगाळ
आरोपीने जाता जाता, ‘माझा इतिहास खूप भयानक आहे, माझ्यावर या अगोदर भरपूर केसेस आहेत. मी कोर्ट-कचेरी व जेल भोगून आलेलो आहे. मी जरी रिव्हॉल्व्हरमुळे जेलमध्ये गेलो तरी बाहेर आल्यावर तुला सोडणार नाही,’ अशी धमकी देत शिवीगाळ केली आणि तेथून पसार झाल्याचे फिर्यादीत नमूद आहे.
कामावेळी शस्त्र बाळगण्यास सक्त मनाई
मतदार यादीचे काम किंवा कोणतीही शासकीय निवडणूक प्रक्रिया सुरू असताना, कायदा आणि सुव्यवस्था राखण्यासाठी सामान्य नागरिकांना तिथे परवाना असलेले किंवा नसलेले कोणतेही शस्त्र बाळगण्यास कायद्याने पूर्ण सक्त मनाई आहे.
हा वाद सुरू असताना पोपट गवळी यांनी मोबाइलवर घटनेचे व्हिडिओ शूटिंग करण्याचा प्रयत्न केला. याचा राग आल्याने आरोपी राजकुमार गवळी याने कमरेला खोचलेली रिव्हॉल्व्हर काढून थेट रोखत जिवे मारण्याची धमकी दिल्याचा आरोप आहे.(स्रोत; दिव्य मराठी)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
