टीम मंगळवेढा टाईम्स ।
मंगळवेढा बस स्थानकावर प्रवाशांच्या गर्दीचा फायदा घेऊन चोऱ्या करणाऱ्या भामट्यांचा सुळसुळाट वाढला आहे. मंगळवेढा ते स्वारगेट (पुणे) बसमध्ये चढत असताना एका ६० वर्षीय वृद्ध महिलेच्या खांद्याला अडकवलेल्या पर्समधून अज्ञात चोरट्याने
सोन्याची माळ आणि रोख रक्कम असा एकूण ४५ हजार रुपयांचा मुद्देमाल अत्यंत चालाखीने लांबवल्याची धक्कादायक घटना घडली आहे. याप्रकरणी मंगळवेढा पोलीस ठाण्यात अज्ञात चोरट्याविरुद्ध गुन्हा दाखल करण्यात आला आहे.
गर्दीचा घेतला गैरफायदा
पोलिसांनी दिलेल्या माहितीनुसार, फिर्यादी नुरजहा पापामिया काझी (वय ६० वर्षे, मूळ रा. सिंहगड रोड, खडकवासला, पुणे, सध्या रा.खुपसंगी, ता. मंगळवेढा) या रविवार, दि. २१ जून २०२६ रोजी दुपारी ०१:३० वाजण्याच्या सुमारास पुणे येथे जाण्यासाठी मंगळवेढा बस स्थानकावर आल्या होत्या.
मंगळवेढा-स्वारगेट बस लागल्यानंतर त्या बसमध्ये चढत असताना, प्रवाशांच्या गर्दीचा फायदा घेऊन अज्ञात भामट्याने त्यांच्या खांद्यावरील पर्समधून ४० हजार रुपये किमतीची एक तोळा वजनाची लहान मण्यांची सोन्याची माळ आणि ५ हजार रुपये रोख रक्कम (५००, २०० आणि १०० च्या नोटा) जबरदस्तीने व लबाडीने चोरून नेली.
पोलिसांत गुन्हा दाखल
आपली चोरी झाल्याचे लक्षात येताच नुरजहा काझी यांनी तातडीने मंगळवेढा पोलीस ठाणे गाठून फिर्याद दिली. त्यांच्या फिर्यादीवरून मंगळवेढा पोलिसांनी अज्ञात चोरट्याविरुद्ध गु.र.नं. ५४६/२०२६, BNS कलम ३०३(२) प्रमाणे गुन्हा दाखल केला आहे.
तपास सुरू:
घटनेची माहिती मिळताच पोलिसांनी तात्काळ चक्रे फिरवली असून, या गुन्ह्याचा पुढील तपास पोलीस हेड कॉन्स्टेबल कांबळे (बक्कल नंबर १६०३) हे करत आहेत. बस स्थानक परिसरातील सीसीटीव्ही फुटेजच्या आधारे चोरट्याचा शोध घेण्याचे आव्हान पोलिसांसमोर आहे.
प्रवाशांना आवाहन:
बस स्थानक किंवा गर्दीच्या ठिकाणी प्रवास करताना महिलांनी आपल्या दागिने व पर्सबाबत सतर्क राहावे, असे आवाहन पोलिसांच्या वतीने करण्यात आले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
