’डायल ११२’ वर एक कॉल अन् खेळ खलास! मंगळवेढ्यात चालणाऱ्या जुगारावर पोलिसांचा सर्जिकल स्ट्राईक; ७ आरोपींसह साडेतीन लाखांचा मुद्देमाल जप्त

टीम मंगळवेढा टाईम्स ।

मंगळवेढा तालुक्यातील भाळवणी येथील दत्त मंदिर व मायक्का मंदिराच्या शेजारी सुरू असलेल्या एका मोठ्या जुगार अड्ड्यावर पोलिसांनी धडक कारवाई करत ७ जणांना रंगेहात पकडले आहे. या कारवाईत पोलिसांनी सुमारे 3 लाख 63 हजार 680 रुपये किमतीचा मुद्देमाल जप्त केला असून,

यामध्ये ७ दुचाकी वाहने, ६ मोबाईल फोन आणि रोख रक्कमेचा समावेश आहे. या धडक कारवाईमुळे परिसरातील अवैध धंदे चालवणाऱ्यांचे धाबे दणाणले आहेत.

याप्रकरणी दत्तात्रय वसंत बिले (रा. खोमनाळ, ता. मंगळवेढा), मनोहर सोपान घुले (रा. भाळवणी, ता. मंगळवेढा), संभाजी शिवाजी चव्हाण (रा. भाळवणी, ता. मंगळवेढा), सोमनाथ शंकर दोडके (रा. भाळवणी, ता. मंगळवेढा), चिनबसु बसवेश्वर स्वामी (रा. भाळवणी, ता. मंगळवेढा), दामाजी महादेव साखरे (रा. मंगळवेढा, जि. सोलापूर), गणपत मारुती माने (रा. भाळवणी, ता. मंगळवेढा) यांना अटक करून याच्यावरती गुन्हा दाखल करण्यात आला आहे.

अशी झाली कारवाई…

दिनांक १३ जून २०२६ रोजी दुपारी पोलिसांच्या ‘डायल ११२’ या आपत्कालीन क्रमांकावर भाळवणी येथील ग्रामपंचायत हद्दीत काही लोक रम्मी नावाचा जुगार पैशांची पैज लावून खेळत असल्याची खात्रीशीर माहिती मिळाली होती. माहिती मिळताच मंगळवेढा पोलीस ठाण्याचे पोलीस निरीक्षक यांच्या मार्गदर्शनाखाली

बोराळे दूरक्षेत्राचे पोलीस अंमलदार पो.हे.कॉ. नवले, पो.ना. दुधाल, चालक दोन पंचांसह सरकारी वाहनातून तात्काळ घटनास्थळी रवाना झाले.

दुपारी १६:४० वाजण्याच्या सुमारास पोलिसांनी भाळवणी येथील दत्त मंदिर शेजारील मायक्का मंदिराजवळ अचानक वेढा घातला. यावेळी पोलीस आल्याचे पाहताच जुगार्‍यांची पळापळ झाली, मात्र पोलिसांनी सतर्कता दाखवत ७ जणांना जागीच घेरून ताब्यात घेतले.

एकूण ३,६३,६८० रुपयांचा मुद्देमाल जप्त!
पोलिसांनी घटनास्थळावरून आणि आरोपींच्या झडतीमधून खालील मुद्देमाल जप्त केला आहे:

पोलिसांची कडक भूमिका

याप्रकरणी मंगळवेढा पोलीस ठाण्याचे पोलीस अंमलदार सिद्धनाथ अर्जुन शिंदे (वय ३३ वर्ष) यांनी फिर्याद दिली असून, पो.हे.कॉ. नवले पुढील तपास करत आहेत.

मंगळवेढा तालुक्यात अवैध धंद्यांविरुद्ध पोलिसांनी मोहीम तीव्र केली असून, अशा प्रकारच्या बेकायदेशीर कृत्यांवर यापुढेही कडक कारवाई करण्यात येईल, असा इशारा पोलीस प्रशासनाने दिला आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.