मंगळवेढा टाईम्स न्युज नेटवर्क ।
पीककर्ज वाटपाचे उद्दिष्ट पूर्ण न करणाऱ्या चार बँकांना तात्काळ नोटिसा बजावण्याचे आदेश जिल्हाधिकारी एस. कार्तिकेयन यांनी जिल्हा अग्रणी बँकेच्या प्रबंधकांना दिले आहेत.
दुसरीकडे स्टेट बँक ऑफ इंडियाने (एसबीआय) नाकारलेल्या पीककर्ज अर्जाची सखोल तपासणी करण्याचे आदेशही त्यांनी जिल्हा कृषी अधीक्षकांना दिले. संबंधित अर्जाची छाननी करून पुढील पंधरा दिवसांत सविस्तर अहवाल सादर करण्याच्या सूचनाही त्यांनी यावेळी केल्या.
पीककर्ज वाटपाच्या आढाव्यासंदर्भात जिल्हाधिकारी कार्तिकेयन यांनी बुधवारी सायंकाळी जिल्ह्यातील विविध बँकांच्या प्रतिनिधींची बैठक घेतली. काल सायंकाळी साडेपाच वाजता सुरू झालेली ही बैठक रात्री उशिरापर्यंत चालली.
तब्बल साडेतीन तास सुरू असलेल्या बैठकीत जिल्हाधिकाऱ्यांनी बँक अधिकाऱ्यांना पीक कर्ज वाटपाबाबत कठोर शब्दांत जाब विचारला.
राज्य शासनाने दिलेले उद्दिष्ट वेळेत पूर्ण करण्याच्या सूचना दिल्या. या बैठकीला जिल्हा अग्रणी बँकेचे प्रबंधक राम वाखरडे, जिल्हा कृषी अधीक्षक शुक्राचार्य भोसले यांच्यासह विविध राष्ट्रीयीकृत व सहकारी बँकांचे अधिकारी उपस्थित होते.
बँक अधिकाऱ्यांचे अजब उत्तर
यावेळी काही बँक अधिकाऱ्यांनी यंदा कर्जमाफी जाहीर होण्याची शक्यता असल्याने अनेक शेतकऱ्यांनी जुने पीक कर्ज परतफेड केले नसल्याचे सांगितले. त्यामुळे थकीत कर्जामुळे नव्याने पीककर्ज मंजूर करण्यात अडचणी येत असल्याचा खुलासा बँकांकडून करण्यात आला.
यावर जिल्हाधिकारी कार्तिकेयन यांनी संबंधित शेतकऱ्यांचे नाकारलेले अर्ज पुढील बैठकीत प्रत्यक्ष सादर करण्याच्या सूचना दिल्या. कर्ज नेमक्या कोणत्या कारणामुळे नाकारण्यात आले, याची स्वतः तपासणी करणार असल्याचेही त्यांनी स्पष्ट केले.
चार बँकांना नोटिसा खुलासा मागविला..
पीककर्ज वाटपाचे उद्दिष्ट पूर्ण न करणाऱ्या आयओबी, करूर वैश्य बँक, बंधन बँक आणि अॅक्सिस बँक यांना तात्काळ नोटिसा बजावून लेखी खुलासा मागविण्याच्या सूचना जिल्हाधिकाऱ्यांनी जिल्हा अग्रणी बँकेला दिल्या आहेत.
तसेच बचत गटांना कर्ज वितरणात टाळाटाळ करणाऱ्या इंडियन बँक, पंजाब नॅशनल बँक आणि आयओबी बँकेलाही नोटिसा देण्याचे आदेश देण्यात आले. या संदर्भात सविस्तर आढावा बैठक घेण्याच्या सूचना जिल्हाधिकारी एस. कार्तिकेयन यांनी जिल्हा परिषदेचे मुख्य कार्यकारी अधिकारी यांनाही केल्या आहेत.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
