मंगळवेढा टाईम्स न्यूज नेटवर्क ।
मंगळवेढा तालुक्यातील मारापूर येथे एका ३५ वर्षीय तरुणाने घराच्या छताच्या लाकडी वाशाला गळफास लावून आपली जीवनयात्रा संपवल्याची धक्कादायक घटना घडली आहे. सागर सुधाकर मोरे असे मृत तरुणाचे नाव आहे. या घटनेमुळे परिसरात हळहळ व्यक्त केली जात आहे.
मिळालेल्या माहितीनुसार, सागरचे वडील लहुदास सीताराम मोरे आणि आई सिंधूबाई हे दोघेही १८ एप्रिल रोजी सकाळी ८ वाजेच्या सुमारास मजुरीच्या कामासाठी शेतात गेले होते.
दुपारी २ वाजता आई-वडील घरी परतले असता त्यांना घराचा दरवाजा उघडा दिसला. आत जाऊन पाहिले असता मुलगा सागर याने छताच्या लाकडी वाशाला टॉवेलच्या साहाय्याने गळफास घेतल्याचे निदर्शनास आले.
उपचारापूर्वीच मृत्यू
आई-वडिलांनी तात्काळ शेजारी राहणारे सूरज महादेव यादव यांना बोलावून सागरला खाली उतरवले आणि खासगी वाहनाने तातडीने ग्रामीण रुग्णालय, मंगळवेढा येथे उपचारासाठी नेले. मात्र, रुग्णालयातील डॉक्टरांनी त्याला तपासून उपचारापूर्वीच मृत घोषित केले.
याप्रकरणी पोलिसांनी घटनेची नोंद केली असून अधिक तपास पोलीस शिपाई रवींद्र भगवान बाबर करत आहेत.
मयत सागरच्या वडिलांनी दिलेल्या खबरीवरून मंगळवेढा पोलीस ठाण्यात या घटनेची नोंद करण्यात आली आहे. आत्महत्येचे नेमके कारण अद्याप समजू शकलेले नाही.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
