मंगळवेढा टाईम्स न्युज नेटवर्क ।
सोलापूर जिल्हा प्रशासनाकडून ५० पेक्षा जास्त कृत्रिम वाळू निर्मिती केंद्रे म्हणजेच एम-सॅन्ड युनिट्स उभारली जाणार असून, यासाठी गुरुवार, ११ डिसेंबरपर्यंत ७ प्रस्ताव दाखल झाले आहेत.
दि.२७ डिसेंबरपर्यंत मुदत असून पूर्वी ज्यांनी ऑनलाइन अर्ज दाखल केले होते, त्यांना आता ऑफलाइन अर्ज दाखल करण्याची सूचना जिल्हा प्रशासनाने केली आहे.
नदीपात्रातील नैसर्गिक वाळूचा अतिरेकाने होणारा उपसा आणि त्यामुळे होणारी नदीची हानी लक्षात घेऊन राज्य शासनाने बांधकामांसाठी नैसर्गिक वाळूऐवजी
कृत्रिम वाळू (एम-सॅन्ड) वापरण्यास प्रोत्साहन देण्यासाठी सकारात्मक पावले उचलली आहेत. यासाठी शासनाने नवीन धोरण जाहीर केले असून, या धोरणानुसार सोलापूर जिल्ह्यात
पुढील वर्षभरात तब्बल ५० पेक्षा जास्त कृत्रिम वाळू निर्मिती केंद्रे म्हणजेच एम-सॅन्ड युनिट्स उभारली जाणार आहेत.
यासाठी जिल्हा गौण खनिज विभागाने २७ नोव्हेंबर रोजी जाहिरात प्रसिद्ध करून प्रस्ताव मागवले आहेत. पूर्वीच्या धोरणानुसार जिल्हा गौणखनिज विभागाकडे ७४ अर्ज प्राप्त झाले होते. आता या अर्जदारांनाही नव्या धोरणानुसार पुन्हा अर्ज करण्याची सूचना अधिकाऱ्यांनी केली आहे.
.. यामुळे मागविले नवीन प्रस्ताव
एम-सॅन्डचा वापर वाढावा, तसेच निकृष्ट दर्जाच्या कृत्रिम वाळूवर थेट कारवाई करता यावी, यासाठी मूळ धोरणात सुधारणा करण्यात आली आहे.
यानुसार, एम-सॅन्ड युनिट्सना मान्यता आणि प्रोत्साहन देण्यासाठी जिल्हास्तरीय मर्यादा ५० वरून १०० युनिटपर्यंत वाढवण्यात आली असून, त्याबाबतचा निर्णय घेण्याचा अधिकार आता जिल्हाधिकारी यांना देण्यात आला आहे. त्यामुळे जिल्हाधिकाऱ्यांनी पूर्वीच्या प्रस्तावांना स्थगिती देत नव्याने प्रस्ताव मागवले आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
