टीम मंगळवेढा टाईम्स।
सोलापूर जिल्हा बँकेचे माजी व्हा.चेअरमन व भाजप आमदार समाधान आवताडे यांचे काका बबनराव आवताडे यांनी आज काँग्रेस पक्षाला पाठिंबा जाहीर केला आहे. त्यामुळे आमदार आवताडेंना मोठा धक्का मानला जात आहे.
बबनराव आवताडे व सिध्देश्वर आवताडे गटाची बैठक आज लक्ष्मीनारायण मंगल कार्यालयात संपन्न झाली यावेळी त्यांनी आपली भूमिका जाहिरात केली.
याप्रसंगी कृषी उत्पन्न बाजार समितीचे सभापती सुशील आवताडे, शैलेश आवताडे, दामाजी नगर ग्रामपंचायतचे सरपंच जमीर सुतार, पंचायत समितीचे माजी सदस्य संजय पवार, दामाजी शुगरचे संचालक दयानंद सोनगे, उद्योजक बापू सलगर, बठाणचे माजी सरपंच संजय बळवंतराव,
प्रशांत गायकवाड, प्रदीप यादव, दादा गरंडे, बळीराजा शेतकरी संघटनेचे सिद्धेश्वर हेंबाडे, दिलीप सावंत, सिद्धेश्वर पाटील, श्रीशैल्य पाटील, सचिन नकाते, उद्योजक दत्तात्रय जाधव आदीजन उपस्थित होते.
सिध्देश्वर आवताडे बोलताना म्हणाले की, लोकसभा निवडणुकीच्या पार्श्वभूमीवर आम्ही कार्यकर्ता मेळावा आयोजित करून आज आम्ही काँग्रेसला पाठिंबा दिला आहे. देशाचा जबाबदार नागरिक म्हणून मतदान करणे गरजेचे आहे.
राजकीय निर्णय घेत असताना कार्यकर्त्यांचा निर्णय घेणे गरजेचे आहे. मंगळवेढा तालुक्यामध्ये काम करत असताना तरुणांना, शेतकऱ्यांना येणाऱ्या अडचणी माझ्या लक्षात आल्या.
शेतकऱ्यांचे तर प्रचंड हाल सुरू आहेत. दुधाला भाव नाही, जनावरांना पाणी नाही. याच पाण्यावर गेले किती वर्षे राजकारण सुरू आहे. मात्र प्रत्यक्षात तर पाणी मिळाले नाही.
बारामती, माढा येथील शेतकऱ्यांना दुष्काळ निधी मिळाला आमच्या तालुक्यातील शेतकऱ्यांना दुष्काळ निधी मिळाला नाही. ही खूप निराशाजनक बाब आहे.
पिक विम्या बाबत भाजप सरकारने शेतकऱ्यांची मोठी फसवणूक झाली आहे. दूध दरा संदर्भात आम्ही अनेक आंदोलन केली. एवढी आंदोलन करून सुद्धा शेतकऱ्यांना दूध दरवाढ मिळाली नाही.
सुशीलकुमार शिंदे खासदार असताना त्यांनी विजापूर मंगळवेढा रेल्वे मार्ग मंजूर केला होता भाजप सरकारने हा मार्ग देखील पूर्ण केला नाही.
आपला लोकप्रतिनिधी सुशिक्षित, कर्तबगार असावा यासाठी आम्ही पाठिंबा देत आहोत असे सिद्धेश्वर आवताडे यांनी सांगितले.कार्यक्रमाचे प्रास्ताविक समाधान क्षिरसागर यांनी केले सूत्रसंचालन भारत मुढे यांनी केले
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
