टीम मंगळवेढा टाईम्स।
सोलापुर जिल्ह्यातील भाजीपाला विक्रेत्याच्या मुलीने केंद्रीय लोकसेवा आयोगाच्या परीक्षेत 492 रँक मिळवून यश संपादित केले. स्वाती मोहन राठोड असे या तरुणीचे नाव आहे.
पाचव्या प्रयत्नात स्वातीला यश मिळाले आहे. विजापूर रोड आदित्य नगर परिसरातील सिटीजन पार्क येथे राठोड कुटूंबीय राहायला आहेत. स्वातीचे आई-वडील विजापूर रोड परिसरात भाजीपाला विकतात.
गरीब परिस्थितीतून पुढे आलेल्या स्वातीने लोकसेवा आयोगाच्या परीक्षेत यश मिळवल्याने राठोड कुटूंबात आनंदाची लाट पसरली आहे.
स्वातीने दहावीपर्यंतचे शिक्षण मुंबईत पुर्ण केले. अकरावी आणि बारावीचे शिक्षण तिने सोलापुरातील भारती विद्यापीठात घेतले. त्यानंतर जुळे सोलापुरातील वसुंधरा महाविद्यालयात बीए तर वालचंद महाविद्यालयात भुगोल विषयात एमए केले आहे. स्वातीने यापूर्वी चार वेळा युपीएससी परीक्षा दिली आहे.
पाचव्या प्रयत्नात तिला हे यश मिळाले आहे. मंगळवारी सायंकाळी युपीएससी परीक्षेचा निकाल जाहीर झाला. स्वातीचे वडील मोहन राठोड आणि आई भाजीपाला विक्रेते आहेत. स्वातीला दोन बहिणी आणि एक भाऊ आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
