टीम मंगळवेढा टाईम्स ।
पंतप्रधान नरेंद्र मोदी आज सोलापुरात येत आहेत. दक्षिण सोलापुरातील कुंभारीमध्ये असंघटित क्षेत्रातील कामगारांसाठी उभारण्यात आलेल्या १८०० कोटी रुपयांच्या रे नगर गृहप्रकल्पाचे लोकार्पण त्यांच्या हस्ते होणार आहे.
३० हजार घरांचा हा गृहप्रकल्प असून पहिल्या टप्यात मोदी यांच्या हस्ते १५ हजार लाभार्थीना घरांच्या चाव्या प्रदान करण्यात येणार आहेत.
रे नगरातील या प्रकल्पाचा प्रारंभ मोदींच्याच हस्ते करण्यात आला होता, हे विशेष. त्यानंतर ते आज पुन्हा सोलापुरात आले आहेत.
सकाळी ११ वाजता रे नगरातयेथे आगमन झाले आणि तिथूनच १ च्या सुमारास परत जातील, असे जिल्हा प्रशासनाकडून सांगण्यात आले. पंतप्रधान झाल्यानंतर मोदी यांचा हा तिसरा सोलापूर दौरा आहे.
या कार्यक्रमाला सुमारे एक लाख नागरिक येतील असे गृहीत धरून नियोजन करण्यात आले आहे. मोदी सकाळी ११ वाजता कुलबुर्गीहून हेलिकॉप्टरने रे नगर येथे उतरले आहेत. त्यानंतर घराची पाहणी करणार आहेत.
अर्धा ते पाऊणतास भाषण करतील. सुरुवातीला मराठी किंवा तेलुगुतून भाषणाची सुरुवात करण्याची शक्यता आहे.
मोदी यांच्या 3 सोलापूर भेटी
• १६ ऑगस्ट २०१४ : होम मैदान येथे सोलापूर-पुणे महामार्गाचे लोकार्पण
•९ जानेवारी २०१९ : इंदिरा गांधी स्टेडियम येथे समांतर जलवाहिनी कामाचे भूमिपूजन, रे नगर कामाचा शुभारंभ १०० कोटींचा धनादेश देऊन केला, सोलापूर-तुळजापूर राष्ट्रीय महामार्गाचा शुभारंभ.
• १९ जानेवारी २०२४ : कुंभारी, रे नगरातील १५ हजार घरकुलांच्या चाव्यांचे वाटप
सोलापुरात ‘रोड शो’ नाही
पंतप्रधान सोलापुरात रोड शो करतील आणि सिद्धेश्वर मंदिरात जातील असा अंदाज होता. मात्र रोड शो होणार नाही, असे कळते. ते रे नगरात येतील आणि तिथूनच परत जातील.
पार्किंग व्यवस्था १ किमीवर
कुंभारी परिसरात पार्किंगची व्यवस्था करण्यात आली आहे. चारचाकी व दुचाकी वाहनांसाठी स्वतंत्र पार्किंग असेल. तेथून सुमारे एक किलोमीटरपर्यंत चालत जावे लागेल.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
