खळबळ! शेतात ये-जा करण्यासाठी चक्क हेलिकॉप्टरची मागणी; दोन शेतकऱ्यांचे तहसीलकडे निवेदन

मंगळवेढा टाइम्स न्यूज नेटवर्क ।

शेतात जाण्या-येण्यासाठी प्रशासकीय आदेश होऊन देखील रस्ता न मिळाल्यामुळे, बार्शी तालुक्यातील येळंब येथील दोन शेतकऱ्यांनी बार्शी तहसील प्रशासनाकडे शेतात जाण्या- येण्यासाठी चक्क हेलिकॉप्टर देण्यात यावे, अशी मागणी केली आहे. ज्ञानदेव नागू काळदाते व शंकर ज्ञानदेव काळदाते अशी या शेतकऱ्यांची नावे आहेत.

याबाबत अधिक माहिती अशी की, येळंब (ता. बार्शी) येथील काळदाते या शेतकऱ्यांनी त्यांच्या मालकीच्या १८३ व १८४ गट क्रमांकाच्या शेतात जाण्या-येण्यासाठी रस्ता मिळावा म्हणून सप्टेंबर २०२२ रोजी तहसील कार्यालय,

बार्शी यांच्याकडे महाराष्ट्र जमीन महसूल अधिनियम १९६६ चे कलम १४३ अन्वये नवीन रस्ता मिळावा यासाठी रीतसर अर्ज केला होता. यावर ऑगस्ट २०२२ मध्ये चोकशी होऊन प्रशासकीय आदेश झाला.

अर्जदार काळदाते यांना १० फूट रुंदीचा नवीन बैलगाडी रस्ता मंजूर करण्यात आला होता. त्याचबरोबर अर्जातील वादी यांनी प्रतिवादी यांना जेवढे क्षेत्र रस्त्यात गेले आहे, तेवढे क्षेत्र द्यावे, असेही म्हटले होते.

त्यानंतर संबंधित मंडलाधिकारी यांनी तहसील प्रशासनाला परत पत्रव्यवहार करत तहसील आदेशात वादी म्हणजे अर्जदार यांनी प्रतिवादीला कोणत्या बाजूचे क्षेत्र द्यायचे, असा उल्लेख नाही किंवा अधिकृत आदेश नाही. त्यामुळे रस्त्याचे कामकाज ठप्प होऊन गाडीरस्ता तयार करता आला नाही, असे म्हटले आहे.

या गोंधळामुळे वाटेसाठी विलंब होत असून, जमिनीची मशागत करण्यासाठी काळदाते यांना अनेक अडचणींना सामोरे जावे लागत आहे. या पार्श्वभूमीवर निराश आणि उद्विग्न झालेल्या शेतकरी काळदाते यांनी तहसील प्रशासनाकडे शेतात जाण्या- येण्यासाठी हेलिकॉप्टर देण्यात यावे, अशी मागणी केली आहे.

दरम्यान, तालुक्यातील अनेक शेतकऱ्यांना त्यांच्या शेताकडे जाण्यासाठी रस्ता नसलेल्यांच्या तक्रारींकडे या उपहासात्मक मागणीने लक्ष वेधले आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज