टीम मंगळवेढा टाईम्स ।
मंगळवेढा शहरातील नागणेवाडी येथे विलास कोंडीबा भोसले (वय ५५ रा.वडापूर) या इसमाचा थंडीतापाने मृत्यू झाला असून या घटनेची पोलिसात आकस्मात मयत अशी नोंद झाली आहे.
या घटनेची हकिकत अशी,यातील मयत विलास भोसले हे मूळचे वडापूर येथील असून ते नागणेवाडी येथील सदाशिव भिवा जामदार यांच्या घरी दि. २८ रोजी सकाळी ९.२५ च्या पुर्वी ते मयत झाले असल्याचे मारुती भोसले यांनी दिलेल्या खबरमध्ये म्हटले आहे.
या खबरमध्ये पोलिस प्रशासनास कारवाई होण्यास विनंती करण्यात आली असून अधिक तपास पोलिस नाईक कोळी हे करीत आहेत.
हातीदमध्ये आयशर टेम्पोची चोरी
सांगोला : अज्ञात चोरट्याने घरासमोर उभा केलेला सुमारे १० लाख रुपये किमतीचा आयशर टेम्पो चोरून पोबारा केल्याची घटना २८ डिसेंबर रोजी पहाटेच्या दरम्यान हातीद ता . सांगोला येथे घडली आहे.
हातीद ता. सांगोला येथील जाफर युसुफ शेख यांनी दोन वर्षांपूर्वी जत जि.सांगली येथील बिराप्पा महादेव काळे यांच्याकडून एमएच १० सीआर ३६३८ हा आयशर टेम्पो नोटरी करून विकत घेतला होता.
सध्या सदरचा टेम्पो जाफर शेख यांच्या नावावरच आहे. दरम्यान २७ डिसेंबर रोजी जाफर शेख यांनी सदरचा टेम्पो घरासमोर उभा करून रात्री घरात झोपले होते. दुसऱ्या दिवशी सकाळी सहाच्या दरम्यान झोपेतून उठून ते घराबाहेर आले असता घरासमोर उभा केलेला टेम्पो दिसून आला नाही म्हणून त्यांनी सदर टेम्पोचा आजूबाजूला शोध घेतला असता तो मिळून आला नाही.
याबाबत चालक जाफर युसूफ शेख रा . हातीद यांनी अज्ञात चोरट्याविरुद्ध फिर्याद दिली आहे.
लग्नाचे आमिष दाखवून नर्सवर बलात्कार
सोलापूर : लग्नाचे आमिष दाखवून सोलापुरातील एका नर्स वर बलात्कार केल्याची घटना दि .१९ ऑगस्ट ते सप्टेंबर २०२० दरम्यान घडली.
याप्रकरणी एजाज अय्यूब शेख (वय -२८ , रा.सोलापूर) याच्याविरुद्ध सदर बाजार पोलिस ठाण्यात गुन्हा दाखल करण्यात आला आहे.याबाबत अधिक माहिती अशी की, आरोपी एजाज शेख याने दि.१९ ऑगस्ट २०१ ९ ते सप्टेंबर २०२० दरम्यान नर्सच्या राहत्या घरी एकटी राहत असल्याचा फायदा घेऊन जवळीक साधली.
त्यानंतर लग्नाचे आमिष दाखवून वेळोवेळी जबरदस्तीने इच्छेविरुद्ध शरीर संबंध ठेवले.दरम्यान त्या नर्सने लग्न करण्यासाठी त्याची कागदपत्रे मागितली असता , त्याने तिला मारहाण केली असे फिर्यादीत नमूद करण्यात आले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
