मंगळवेढा टाईम्स न्युज।
दुष्काळझळांनी शेतकरी होरपळून गेलाय. राज्य सरकारने अधिकृतपणे महाराष्ट्रातील बहुसंख्य तालुक्यांत दुष्काळ जाहीर केलाय. खरीप हंगामातील पीक शेतकऱ्यांच्या हातातून गेले आहे.
काही शेतकऱ्यांनी हताश होऊन उभ्या पिकावर नांगर फिरवलाय. आता मायबाप सरकारनेच आम्हाला मदत करावी, अशी विनवणी शेतकऱ्यांकडून केली जातेय. खरीप हंगाम हातातून गेला असला तरीही आता रबी हंगामात तरी पाऊस बरसावा अशी शेतकरी आस लावून बसले आहेत.
रबी हंगाम हाताशी लागला तर शेतकऱ्यांचे दु:ख कमी होऊ शकते. दरम्यान, आता रबी हंगामातील पेरण्या आणि या हंगामासाठी पोषक ठरणाऱ्या पावसाबद्दल हवामानविषयक माहिती देणारे पंजाब डख यांनी महत्त्वाचा अंदाज व्यक्त केलाय. रबी हंगामाला जीवदान देणार एक परतीचा पाऊस पडले, असं डख यांनी सांगितलंय.
18 ऑक्टोबर रोजीनंतर वातावरणात बदल होईल
परतीचा एक पाऊस येणार आहे. या पावसामुळे रबीची पेरणी होईल. शेतकऱ्यांसाठी ही आनंदाची बातमी आहे. 17 ऑक्टोबरपर्यंत मोठ्या पावसाचे वातावरण नाही.
18 ऑक्टोबर रोजीनंतर वातावरणात बदल होईल. 20 ते 24 ऑक्टोबरच्या काळात पाऊस होईल. हा परतीचा पाऊस निर्णायक असेल, असा अंदाज पंजाबराव डख यांनी व्यक्त केला.
जोपर्यंत धुकं येत नाही तोपर्यंत…
पाऊस गेला की एक परतीचा पाऊस येतो. या पावसामुळे रबी पिकांच्या पेरणीसाठी जीवदानच मिळते. सध्या पाऊस थांबलेला आहे. पाऊस येणार नाही, असं अनेकांना वाटतंय. जोपर्यंत धुकं येत नाही तोपर्यंत थंडीला सुरुवात होत नाही. दसऱ्याच्या दिवसापासून ते पुढच्या चार दिवस पावसाचा राज्यात मुक्काम असेल, असेही डख यांनी सांगितले.
सध्यातरी 17 ऑक्टोबरनंतर राज्यात पाऊस नाही
राज्यात आणखी एक पाऊस पडण्याची अपेक्षा आहे. कारण अजूनही धूर, धुकं अजूनही आलेलं नाही. 20 ते 23 ऑक्टोबरच्या काळात राज्यात वेगवेगळ्या भागात पाऊस येईल. सध्यातरी 17 ऑक्टोबरनंतर राज्यात पाऊस होणार नाही.
दरम्यान, सध्या पावसाने दडी मारल्याने शेतकऱ्यांनी खचून जाऊ नये. शेतातील पाणी जपून वापरावे, असे आवाहन मुख्यमंत्री देवेंद्र फडणवीस यांनी केलेले आहे. सोबतच आम्ही प्रत्येक शेतकऱ्याच्या पाठीशी खंबीरपणे उभे राहू, असे आश्वासनही त्यांनी दिलंय.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
