टीम मंगळवेढा टाईम्स ।
बार्शी शहर अन् तालुक्यात कोरोना बाधितांची संख्या जिल्ह्यात प्रथम क्रमांकावर असताना, अजूनही कोरोना पॉझिटिव्ह रुग्णांमध्ये भर पडताना दिसत आहे.
असे असतानाच बार्शी शहर पोलिस स्टेशनचे पोलिस निरीक्षक संतोष गिरीगोसावी यांचा कोरोना टेस्ट अहवाल पॉझिटिव्ह आल्याने पोलिस ठाण्यातील कर्मचाऱ्यांमध्ये खळबळ उडाली आहे.
सात महिन्यांपासून शासकीय सेवेतील कर्मचारी व अधिकारी कोरोना संसर्गापासून सुटले नाहीत. तहसील कार्यालयातील कर्मचारी, सब जेलमधील आरोपी यांना तर कोरोना झाला अन् उपचार होऊन बरेही झाले.
बार्शी शहर, तालुका पोलिस ठाण्यातील पोलिस कर्मचारी, महिला कर्मचारी यांनीही कोरोना संसर्गाशी सामना करून बरे होऊन पुन्हा ड्यूटी सुरू केली आहे तर शासनाच्या आदेशानुसार 55 वर्षांपेक्षा जास्त वय असलेले कर्मचारी, अधिकारी अद्याप ड्यूटीवर नाहीत.
दिवाळीचा सण सुरू असताना बार्शी शहर पोलिस ठाण्याचे पोलिस निरीक्षक संतोष गिरीगोसावी यांची कोरोना टेस्ट करण्यात आली अन् रिपोर्ट पॉझिटिव्ह आल्याने कर्मचाऱ्यांमध्ये मात्र चर्चेला उधाण आले आहे.
सार्वजनिक क्षेत्रात अधिकारी व कर्मचाऱ्यांनी काम करीत असताना सोशल डिस्टन्स, सॅनिटायझर व मास्कचा वापर करणे जरुरीचेच असल्याचे कर्मचारी बोलत आहेत.
दररोज अनेकांच्या संपर्कात आल्याने संसर्गाच्या होणाऱ्या बाधेपासून दक्ष राहिले पाहिजे, हे मात्र पुन्हा एकदा समोर आले आहे, असेही कर्मचारी बोलत आहेत.(सकाळ)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
