टीम मंगळवेढा टाइम्स। प्रतिनिधी
पैशांची वारंवार मागणी करत तगादा लावून मानसिक त्रास दिल्याने एका ४२ वर्षीय व्यक्तीने गळफास घेऊन आत्महत्या केल्याची धक्कादायक घटना मंगळवेढा शहरातील खोमनाळ रोड परिसरात रविवारी सकाळी उघडकीस आली. दत्तात्रय नामदेव पाटोळे (वय ४२, रा. मेडशिंगी, ता. सांगोला, जि. सोलापूर, हल्ली रा. मुंबई) असे मृत व्यक्तीचे नाव आहे.
याबाबत मयताचे भाऊ दयानंद नामदेव पाटोळे (वय ३८, रा. मेडशिंगी) यांनी मंगळवेढा पोलीस ठाण्यात फिर्याद दिली असून,
पोलिसांनी प्रकाश आवताडे (रा. दातपूर, ता. मोहोळ) याच्याविरुद्ध आत्महत्येस प्रवृत्त केल्याचा गुन्हा दाखल केला आहे.
मिळालेल्या माहितीनुसार, दत्तात्रय यांनी प्रकाश आवताडे याच्याकडून घेतलेल्या पैशांबाबत तो वारंवार तगादा लावून दबाव आणत होता. २९ ऑगस्ट रोजी मयत दत्तात्रय यांनी भावाला फोन करून, घेतलेले पैसे परत दिले असले तरी आवताडे हा पुन्हा पैशांची मागणी करत असल्याचे सांगितले होते.
या सततच्या त्रासाला कंटाळून दत्तात्रय यांनी ६ सप्टेंबर रोजी व्हिडिओ स्टेटस ठेवून खोमनाळ रोडजवळील शेतात लिंबाच्या झाडाला गळफास घेऊन आपली जीवनयात्रा संपवली. घटनेची माहिती मिळताच पोलिसांनी पंचनामा केला. याप्रकरणी पोलीस उपनिरीक्षक विलास बाबर अधिक तपास करत आहेत.
व्हिडिओ व्हायरल करत उचलले टोकाचे पाऊल…
मयत दत्तात्रय पाटोळे यांची सासरवाडी मोहोळ तालुक्यातील दातपूर येथे आहे. तेथील आवताडे याच्याकडून त्यांनी व्याजाने घेतलेले पैसे परत केले होते, तरीही सावकाराने तगादा लावला. पाटोळेंनी सोशल मीडियात व्हिडिओ व्हायरल करून आत्महत्या केल्याचा आरोप मयताच्या भावाने केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
