मंगळवेढा टाईम्स न्युज ।
दारू पिल्यास माहेरी जाणार असल्याची धमकी पत्नीने दिली. त्याचा राग मनात धरून पतीने पत्नीवर विटेने आणि ऊसतोडणीच्या कोयत्याने हल्ला करून तिची हत्या केल्याची धक्कादायक घटना कुरुल-कातेवाडी रस्त्यावरील वीटभट्टीवर शुक्रवारी सायंकाळी ४.३० सुमारास घडली.
गायत्री यशवंत हेगडे (वय २३, रा. वडापूर, ता. दक्षिण सोलापूर, सध्या कुरुल) हिच्या खूनप्रकरणी पती यशवंत ऊर्फ आबू भारत हेगडे याच्याविरुद्ध कामती पोलिस ठाण्यात खुनाचा गुन्हा दाखल झाला आहे.
गायत्री आणि तिचा पती कुरुल-कातेवाडी रस्त्यावरील बिरूदेव मोटे यांच्या वीटभट्टीवर मजुरीचे काम करून तेथेच राहत होते. शुक्रवारी सायंकाळी गायत्रीने पतीला दारू पिण्यास विरोध केला.
तसेच, दारू प्यायल्यास आपण आईकडे निघून जाणार असल्याचे सांगितले. याचा राग आल्याने यशवंतने तिच्याशी वाद घालत शिवीगाळ केली.
तो म्हणाला, आता मी तुझा जीव घेत आहे.
वादाचे रुपांतर हाणामारीत झाले. संतापलेल्या यशवंतने ‘आता तुझा जीव घेतो,’ असे म्हणत विटेने आणि ऊसतोडणीच्या कोयत्याने गायत्रीच्या डोक्यावर, चेहऱ्यावर आणि डाव्या हातावर वार केले. गंभीर जखमी झालेल्या गायत्रीला उपचारासाठी रुग्णालयात दाखल करण्यात आले.
मात्र, उपचार सुरू असतानाच तिचा मृत्यू झाला. याप्रकरणी गायत्रीची नणंद रेखा बालाजी हेगडे (वय २५) हिने फिर्याद दिली. त्यानुसार पतीविरुद्ध खुनाचा गुन्हा दाखल करण्यात आला आहे.
घटनेची माहिती मिळताच सोलापूर ग्रामीणचे पोलिस अधीक्षक अतुल कुलकर्णी, अपर पोलिस अधीक्षक विजय कबाडे, उपविभागीय पोलिस अधिकारी सूरज जगताप आणि सहायक पोलिस निरीक्षक बसवेश्वर जकीकोरे यांनी घटनास्थळी भेट देऊन तपासाच्या सूचना दिल्या. पुढील तपास सहायक पोलिस निरीक्षक जकीकोरे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
