तरुणांनो सावधान! आंतरजातीय विवाह करणे चांगलेच पडले महागात, नवरदेवाला गंडा घालून नवविवाहिता पसार; लग्नासाठी मध्यस्थांनी घेतले दोन लाख

टीम मंगळवेढा टाईम्स ।

देवपूर परिसरातील गोंदूर रोडवर वास्तव्यास असलेल्या तरुणास आंतरजातीय विवाह करणे चांगलेच महागात पडले. आधी एकवीरा देवी मंदिरात लग्न केल्यावर त्यानंतर धूमधडाक्यात लग्नासाठी मध्यस्थांनी दोन लाख रुपये घेतले.

दरम्यान, आठ दिवसांपूर्वी कुलदेवतेचे दर्शन घेऊन परतताना पत्नी वर्शी फाट्यावरून एका कारमधून पसार झाली. तुषार मुकुंदा येवले (२६, रा. होमगार्ड ऑफिससमोर, गोंदूररोड, देवपूर, धुळे) असे फसवणूक झालेल्या तरुणाचे नाव आहे.

तुषार याने मध्यस्थांच्या मार्फत उषा रमेश पंडित (२७, रा. आंबेडकरनगर, मु.पो. वाळूज, जि. छ.संभाजीनगर)

हिच्याशी काही दिवसांपूर्वी धुळे शहरातील एकवीरा देवी मंदिरात लग्न केले. त्यानंतर १७ जुलै रोजी तुषार येवले हे पत्नीसह वडील, आई, बहीण, काका सतीश येवले, काकू ज्योती येवले यांच्यासह गाडी करून शिरपूर तालुक्यातील उंटावद येथे कुलदेवतेच्या दर्शनासाठी गेले.

दर्शन घेऊन धुळे येथे परत येत असताना दुपारी ३ वाजेच्या सुमारास वर्शी फाटा पेट्रोलपंप रस्त्यावरवजेवणासाठी सर्वजण थांबले. यावेळी पत्नी उषा लघुशंकेसाठी तुषारच्या काकूसह गेली.

लघुशंकेवरून परत येत असताना काकूच्या हाताला झटका देत रस्त्यावरील एका पांढऱ्या रंगाच्या कारमध्ये बसून शिरपूरच्या दिशेने पसार झाली. घडला प्रकार सुजाता दांडगे, ज्योती गायकवाड, प्रकाश मोरे या मध्यस्थांना सांगितला असता त्यांनी उडवाउडवीची उत्तरे दिली.

पाचजणांवर गुन्हा दाखल

यासंदर्भात तुषार येवले यांनी दिलेल्या फिर्यादीवरून उषा रमेश पंडित हिच्यासह सुजाता प्रभाकर दांडगे (५६), विमलबाई गायकवाड, प्रकाश काशीनाथ मोरे (रा. कदमबांडे नगर, देवपूर, धुळे),

जगदीश शंकर पगारे (५०, रा. गायकवाड चौक, जुने धुळे) यांच्यावर पश्चिम देवपूर पोलिस ठाण्यात भारतीय न्याय संहिता कलम ३१८ प्रमाणे गुन्ह्याची नोंद करण्यात आली आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज