मंगळवेढा टाईम्स न्युज नेटवर्किंग ।
खेड ग्रामपंचायतीच्या सरपंच लता फरांदे यांच्यावर अखेर प्रशासकीय कारवाईचा मोठा बडगा उगारण्यात आला आहे. तब्बल पावणे सतरा लाखांच्या आर्थिक अनियमितता आणि गंभीर गैरव्यवहार प्रकरणी पुणे विभागीय आयुक्त कार्यालयात सुनावणी पार पडली.
या सुनावणीत त्यांना सरपंच पदावरुन निलंबित करण्याचा अंतिम आदेश जारी करण्यात आला आहे. या कारवाईमुळं खेडसह संपूर्ण तालुक्यात राजकीय खळबळ उडाली आहे.
मोठ्या प्रमाणावर आर्थिक गैरव्यवहार आणि अधिकारांचा गैरवापर होत असल्याच्या तक्रारी
खेड ग्रामपंचायतीमध्ये मोठ्या प्रमाणावर आर्थिक गैरव्यवहार आणि अधिकारांचा गैरवापर होत असल्याच्या तक्रारी ग्रामस्थांनी आणि विरोधकांनी प्रशासनाकडे केल्या होत्या. या तक्रारींची दखल घेत जिल्हा परिषद आणि पंचायत समिती स्तरावर या प्रकरणाची सखोल चौकशी करण्यात आली होती.
प्राथमिक तपास आणि त्यानंतर सादर करण्यात आलेल्या फेरचौकशी अहवालात सरपंचांवर ठेवण्यात आलेले काही आरोप अत्यंत गंभीर स्वरूपाचे असल्याचे सिद्ध झाले असून तक्रारदारांनी सरपंच यांच्यावर झालेल्या या कारवाईमुळे राजकीय क्षेत्रात चांगलीच खळबळ उडाली आहे.
या सर्व बाबींचा विचार करून विभागीय आयुक्तांनी सरपंच लता फरांदे यांना पदावरून निलंबित करण्याचा अंतिम आदेश दिला. या निर्णयामुळे ग्रामपंचायतीच्या कारभारावर मोठा परिणाम होण्याची शक्यता व्यक्त केली जात आहे.
दरम्यान, या कारवाईनंतर खेड तालुक्यात राजकीय खळबळ उडाली असून विविध स्तरांवर प्रतिक्रिया उमटू लागल्या आहेत. आगामी काळात या प्रकरणाची पुढील चौकशी आणि त्यातून उघड होणारे तपशील याकडे सर्वांचे लक्ष लागले असून, ग्रामपंचायतीतील प्रशासन आणि पारदर्शकतेबाबत हा निर्णय महत्त्वाचा ठरणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
