मंगळवेढा टाईम्स न्युज नेटवर्किंग।
एका गुन्ह्याच्या तपासातील आरोपीचा शोध घेण्यासाठी आलेल्या पोलीस कर्मचाऱ्यांच्या अंगावर थेट चारचाकी गाडी घालून त्यांना जिवे ठार मारण्याचा प्रयत्न केल्याची खळबळजनक घटना पंत चौक, टाकळी बायपास (लक्ष्मी टाकळी, ता. पंढरपूर) येथे घडली.
या प्राणघातक हल्ल्यात सांगोला पोलिस ठाण्याचे पोलिस कर्मचारी विशाल चंद्रकांत भोसले (वय ४०) हे गंभीर जखमी झाले आहेत.
याप्रकरणी समाधान दुधाळ (रा. सावे, ता. सांगोला) आणि सोमनाथ हाके (रा. मांजरी, ता. सांगोला) या दोन आरोपींविरुद्ध पंढरपूर तालुका पोलिस ठाण्यात गुन्हा दाखल करण्यात आला असून, पोलिसांनी दोन्ही आरोपींना तत्परतेने अटक केली आहे.
२४ सप्टेंबर (गुरुवारी) रोजी सायंकाळी साडेसात वाजण्याच्या सुमारास सांगोला पोलिस ठाण्यातील पोहेकॉ. येडगे, पोकॉ. राऊत आणि फिर्यादी पोलिस कर्मचारी विशाल भोसले हे तपासावरील आरोपीच्या भोसले यांनी गाडीतून खाली उतरून दोन्ही आरोपींना तपासासाठी सांगोला पोलीस ठाण्यात चालण्यास सांगितले,
शोधासाठी एम एच १२ जे एम ३३९४ या चारचाकी वाहनाने पंढरपूर येथील पंत चौक, टाकळी बायपास येथे आले होते. पोलिसांना पाहताच संशयित आरोपी समाधान दुधाळ आणि सोमनाथ हाके हे त्यांच्याकडील एम एच १२ एक्स एम ६५९८ या चारचाकी वाहनातून पळून जाऊ लागले. पोलिसांनी पाठलाग करून त्यांचे वाहन अडवले.
फिर्यादी भोसले यांनी गाडीतून खाली उतरून दोन्ही आरोपींना तपासासाठी सांगोला पोलीस ठाण्यात चालण्यास सांगितले. मात्र, आरोपींनी आपापसात संगनमत करून पोलिस कर्मचारी विशाल भोसले यांना जिवे ठार मारण्याच्या उद्देशाने थेट त्यांच्या अंगावर गाडी घातली.
यात भोसले यांना काही अंतर फरपटत नेल्याने ते गंभीर जखमी झाले. या घटनेत दोन्ही गाड्यांचेही मोठे नुकसान झाले आहे. याप्रकरणी पोलिस कर्मचारी विशाल भोसले यांनी दिलेल्या फिर्यादीवरून पंढरपूर तालुका पोलिस ठाण्यात गु. र. नं. ६२७/२०२६ अंतर्गत भारतीय न्याय संहिता कलम १०९(१), १३२, ३२४(२), ३ (५) अन्वये गुन्हा दाखल करण्यात आला आहे.
दि.२५ सप्टेंबर रोजी पहाटे ३:३० वाजता पोलिसांनी आरोपींना अटक केली. या गुन्ह्याची नोंद पोसई गोसावी यांनी केली असून, तपास पोलिस उपनिरीक्षक गायकवाड करत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
