मंगळवेढा टाईम्स न्युज नेटवर्किंग ।
सांगोला तालुक्यातील मांजरी येथील माजी उपसभापती नारायण शिवाजी जगताप यांनी आमदार डॉ. बाबासाहेब देशमुख व त्यांच्या समवेत आलेल्या काही व्यक्तींविरोधात आरोप करीत सांगोला पोलीस ठाण्यात निवेदन दिले आहे.
आमदार व त्यांच्या समर्थकांनी घरी येऊन मारहाण, शिवीगाळ व दहशत निर्माण केल्याचा आरोप निवेदनात करण्यात आला आहे.
निवेदन देण्यासाठी आमदार बाबासाहेब देशमुख यांचे बंधू डॉ. अनिकेत देशमुख स्वतः उपस्थित होते.
माजी उपसभापती नारायण जगताप यांनी दिलेल्या निवेदनानुसार, दि. २९ डिसेंबर रोजी सायंकाळी आमदार डॉ. बाबासाहेब देशमुख यांनी फोन करून ‘चहा पिण्यास येतो’ असे सांगितले होते.
त्यानंतर सायंकाळी सुमारे सात वाजण्याच्या सुमारास आमदार त्यांच्या सोबत ६० ते ७० जणांना घेऊन आपल्या घरी आले. यावेळी आपल्या मुलांबाबत तक्रार करीत ते चिडचिड करत होते.
आ.डॉ. देशमुख त्यांच्या सोबत आलेल्या व्यक्तींनी मला धरपकड केली तसेच माझ्या पत्नी व मुलांबाबत अश्लील शिवीगाळ व धमक्या दिल्याचा असा आरोप करण्यात आला आहे.
मांजरी गाव बंद
आमदार बाबासाहेब देशमुख व त्यांच्या समवेत आलेल्या ६० ते ७० लोकांनी गावात येऊन गोंधळ घातल्याने संतप्त झालेल्या गावकऱ्यांनी या घटनेच्या निषेधार्थ मंगळवार, ३० डिसेंबर रोजी मांजरी गाव बंदची हाक दिली होती. या बंदला सर्वपक्षीय गावकऱ्यांनी उत्स्फूर्त प्रतिसाद देत गावातील दुकाने व व्यवहार बंद ठेवले होते.
खालच्या पातळीवरील टीकाटिप्पणी कधीही खपवून घेणार नाही
वैयक्तिक व कौटुंबिक खालच्या पातळीवरील टीकाटिप्पणी कधीही खपवून घेतली जाणार नाही. काही गोष्टी समजल्यानंतर मी विचारण्यासाठी त्यांच्या घरी गेलो होतो. तिथे चहाही पिऊन आलो.
मी मुंबईसाठी निघून गेल्यानंतर काही कार्यकर्त्यांनी गोंधळ घातला असेल तर त्याची दखल घेतली जाईल; मात्र स्वर्गीय आबासाहेबांचा स्वाभिमानी विचार मी कधीही गहाण ठेवणार नाही.- आ. बाबासाहेब देशमुख.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
