टीम मंगळवेढा टाईम्स ।
मंगळवेढा शहरातून ४२ हजार रु . किमतीची मोटर सायकल चोरली
मंगळवेढा शहरातील दामाजी मंदिराजवळ लावलेली ४२ हजार रुपये किमतीची हिरो कंपनीची मोटर सायकल चोरून नेण्याचा प्रकार घडला असून या प्रकरणी अज्ञात चोरटयाविरूध्द गुन्हा दाखल झाला आहे.
दरम्यान , मंगळवेढा शहरातील मोटर सायकल पळविण्याचे प्रमाण वाढले असून मोटर सायकल चोरीची ही दुसरी घटना असल्याने मोटर सायकलस्वारामध्ये भितीचे वातावरण पसरले आहे.
यातील फिर्यादी रोहित ओहाळे हे खोमनाळ येथून मंगळवेढा शहरात कामानिमित्त आलेहोते. दि.१३ रोजी सकाळी १०.३० वा. शहरातील दामाजी मंदिराजवळ असलेल्या खेतेश्वर दुकानासमोर एम.एच.१३ डी.डी. ३५५६ ही ४२ हजार रुपये किमतीची मोटर सायकल लावून खरेदी करण्यासाठी फिर्यादी दुकानात गेले.
खरेदी करून पुन्हा मोटर सायकल लावलेल्या ठिकाणी आले असता जागेवर मोटर सायकल दिसून आली नाही. अज्ञात चोरटयाने मोटर सायकल चोरून नेल्याचे लक्षात आल्यानंतर अज्ञात चोरटयाविरूध्द गुन्हा दाखल करण्यात आला आहे. याचा तपास पोलिस नाईक कोळी हे करीत आहेत.
अज्ञात चोरटयाने दुचाकी पळविली
मंगळवेढा येथील कृषी उत्पन्न बाजार समितीमधील मका फेडरेशन केंद्राजवळील २० हजार रुपये किमतीची बजाज कंपनीची काळया रंगाची व पांढऱ्या पट्टयाची सीटी १०० दुचाकी अज्ञात आरोपीने नेल्याची घटना सकाळी ९.०० ते १२.३० च्या दरम्यान घडली आहे.
याबाबत अज्ञात आरोपीविरूध्द सुधाकर गुलाब पवार ( वय ४२ भोसे ता.मंगळवेढा ) यांनी त्यांची बजाज सिटी कंपनीची एम एच १३ डी.बी .११०६ ही मोटर सायकल माइया संमतीवाचून अज्ञात चोरटयांनी चोरून नेली आहे.
अज्ञात आरोपीविरूध्द भा.दं.वि.सं.कलम ३७ ९ प्रमाणे गुन्हा दाखल झाला आहे. अधिक तपास पोलिस हवालदार पवार हे करीत आहेत.
खडकी येथे विद्युत मोटारीच्या चोरी प्रकरणी तीघांविरूध्द गुन्हा दाखल
खडकी येथील हबीब शेख यांच्या विहिरीवरील 14 हजार रुपये किमतीची पाणबुडी मोटार चोरून नेल्याप्रकरणी रविंद्र शिंदे मेटकरवाडी,नितीन वाघमोडे हिवरगांव,सौरभ साबळे खडकी या तीघांविरूध्द चोरीचा गुन्हा दाखल झाला आहे.
पोलिस सुत्रांनी दिलेली माहिती अशी यातील फिर्यादी हबीब शेख यांच्या खडकी येथील शेतातील विहिरीत 5 एच पी ची 14 हजार रुपये किमतीच्या लाडा,लक्ष्मी कंपनीच्या तीन विद्युत मोटारी दि. 1 डिसेंबर रोजी सकाळी 10.00 च्या पुर्वी वरील तीघांनी चोरून नेल्याचे दिलेल्या फिर्यादीत म्हटले आहे.
याचा अधिक तपास पोलिस हवालदार दयानंद हेंबाडे हे करीत आहेत.दरम्यान, शेतातील बोअरवरील मोटारी,केबल,स्टार्टर,अ‍ॅटो स्वीच आदी साहित्य चोरण्याच्या प्रमाणात दिवसेंदिवस वाढ होत असून शेतकरी पोलिसात चोरीची फिर्याद दाखल करतात मात्र पोलिसांना आत्तापर्यंत एकही चोरटा जेरबंद करण्यात यश आले नसल्याने चोरीच्या घटना वाढत असल्याने शेतकरी वर्गातून चिंतेचे वातावरण पसरले आहे.
घरफोडयाबरोबर आता चोरटयांनी आपला मोर्चा शेतातील कृषी पंपाकडे वळविल्याने शेतकर्‍यांवर अस्मानी संकट कोसळले आहे.
राज्यातील व देशातील ब्रेकिंग बातम्या आणि माहिती सर्वात प्रथम तुमच्या पर्यंत .आजच Add करा तुमच्या Whatsapp ग्रुपवर 9970 76 6262 हा आमचा नंबर.
ब्रेकिंग बातम्या मोबाईलवर मिळवण्यासाठी आम्हाला 9970 76 6262 या नंबरला WhatsApp करा आणि लिहा “Mangalwedha Times News”
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
