मंगळवेढा टाईम्स न्युज ।
तहसील कार्यालय मंगळवेढाच्या वतीने आयोजित करण्यात आलेल्या छत्रपती शिवाजी महाराज महाराजस्व अभियान अंतर्गत समाधान शिबिराला मंगळवेढा मध्ये जनतेचा उत्स्फूर्त प्रतिसाद लाभला.
शिबिराचे उदघाटन तालुक्यातील सर्व जिल्हा परिषद सदस्य व पंचायत समिती सदस्यांच्या हस्ते झाले तर कार्यक्रमाच्या अध्यक्षस्थानी प्रांताधिकारी बी.आर.माळी उपस्थित होते.
याप्रसंगी जिल्हा परिषद सदस्य प्रदीप खांडेकर, करुणा शिवशरण, संगीता दुधाळ, रमेश भांजे उपस्थित होते. तसेच पंचायत समिती सदस्या दीपाली आनंद ताड, विनायक यादव, जयश्री कवचाळे, मोहिनी गणपाटील, आप्पासो निकम, सुरेश कांबळे, अर्जुन मल्लाळे, जयश्री शिंदे उपस्थित होते.
कार्यक्रमाचे प्रास्ताविक तहसीलदार मदन जाधव यांनी केले, तर आभार नायब तहसीलदार शीतल कन्हेरे यांनी मांडले. तर तालुका कृषी अधिकारी मनीषा मिसाळ, उपअधीक्षक भूमी अभिलेख विद्या तांगडे, तसेच पंचायत समिती, वनविभाग, महिला व बाल कल्याण विभागाचे अधिकारी व कर्मचारी उपस्थित होते.
मंगळवेढा शहरालगत असणाऱ्या जोगेश्वरी मंगल कार्यालय येथे हे शिबीर घेण्यात आले. या शिबिरामध्ये महसूल विभाग व इतर विभागाचे असे एकूण 23 स्टॉल तयार करण्यात आले होते.
मंगळवेढा तालुक्यातील सर्व मंडळ अधिकारी व ग्राम महसूल अधिकारी एकाच छताखाली महसूल विषयक सेवा देताना दिसून आले
तर तहसील कार्यालयातील सर्व शाखांमधील अधिकारी व कर्मचारी यांनी सुद्धा जनतेला तात्काळ सेवा उपलब्ध करून दिल्या.
मंगळवेढा तालुक्यात एकूण 6 शिबीर राबविण्यात येणार असून आज मंगळवेढा व बोराळे मंडळाच्या शिबिराने या अभियानाचा शुभारंभ करण्यात आला.
आजच्या शिबिरास नागरिकांनी मोठ्या संख्येने उपस्थित राहत महसूल विषयक व इतर विभागांच्या सेवांचा लाभ घेतला.
आजच्या शिबिरामध्ये महसूल विभागाच्या वतीने पुढीलप्रमाणे सेवांचा लाभ जनतेला देण्यात आला, अभियानांतर्गत आजरोजी निकाली काढण्यात आलेल्या फेरफारांची संख्या – 206, अभियानांतर्गत 7/12 मधील दुरुस्ती संदर्भात स्वीकारण्यात आलेल्या अर्जांची संख्या – 12,
अभियानांतर्गत उपलब्ध करून देण्यात आलेल्या डिजिटल 7/12 उपलब्ध करून दिलेली संख्या – 327, अभियानांतर्गत वितरित करण्यात आलेल्या प्रमाणपत्रांची संख्या – 568, अभियानांतर्गत एक खिडकी व्यवस्थेअंतर्गत निकाली काढण्यात आलेल्या अर्जांची संख्या – 19,
अभियानांतर्गत भूसंपादन प्रकरणी कमी जास्त पत्रके तयार करून गाव दप्तर अद्यावत करण्यात आलेल्या प्रकरणांची संख्या – 5, अभियानांतर्गत अकृषक परवानगी दिलेल्या प्रकरणी कमी जास्त पत्रके तयार करून गाव दप्तर अद्यावत करण्यात आलेल्या एकूण प्रकरणांची संख्या -4,
तसेच आतापर्यंत एकूण 175 घरकुल लाभार्थ्यांना 540 ब्रास वाळूचे मोफत वाटप करण्यात आले.
त्याचबरोबर संजय गांधी योजनेच्या वतीने 111, पुरवठा विभागाच्या वतीने 61, अभिलेख शाखेच्या वतीने अरळी गावातील 10 लाभार्थ्यांना शेतकुंडली वाटप,
44 लाभार्थ्यांना 21000 रु उत्पन्नाचे दाखले, 13 लाभार्थ्यांना जन्म मृत्यू प्रमाणपत्र वाटप, 4 लाभार्थ्यांना घरकुल साठी शासकीय जागा वाटप, 8 लाभार्थ्यांना पोटखराब क्षेत्र लागवडीखाली आणल्याचा आदेश वाटप, निवडणूक विभागाकडून 10 लाभार्थ्यांना मतदान ओळखपत्र वाटप,
12 लाभार्थ्यांची ऍग्रीस्टॅक नोंदणी करून देण्यात आली, 12 लाभार्थ्यांना कलम 155 अंतर्गत 7/12 दुरुस्ती करून देण्यात आली, तृतीयपंथी 2 लाभार्थ्यांना 21000 रु उत्पन्नाचा दाखला काढून त्यांची नावे मतदार यादीत नोंद करून देण्यात आली.
सेतू व महा ई सेवा केंद्रामार्फत 63 उत्पन्न प्रमाणपत्र व 13 अधिवास प्रमाणपत्र देण्यात आले. महसूल विभागाच्या वतीने आज एकूण 1529 नागरिकांना विविध सेवांचा लाभ देण्यात आला.
त्याचबरोबर पंचायत समिती मार्फत 12 लाभार्थ्यांना ई मोशन बाईक, ई रिक्षा, शेळी गट, पिठाची गिरणी, झेरॉक्स मशीनचा लाभ देण्यात आला.
कृषी विभागाच्या वतीने 8 लाभार्थ्यांना विविध अनुदानाची रक्कम वाटप करण्यात आली, तर वन विभागामार्फत सुद्धा शेतकऱ्यांना चेकद्वारे लाभाचे वाटप करण्यात आले.
यानंतर दिनांक 14 मार्च रोजी आंधळगाव, 10 एप्रिल रोजी पाटखळ, 17 एप्रिल रोजी मरवडे, 8 मे रोजी भोसे व 15 मे रोजी नगर परिषद हद्दीत होणाऱ्या शिबिरांना सुद्धा नागरिकांनी मोठ्या संख्येने उपस्थित राहून विविध महसूल विषयक व इतर विभागांच्या सेवांचा लाभ घ्यावा, असे आवाहन तहसीलदार मदन जाधव यांनी केले आहे.
शेत कुंडली” हा ठरला राज्यातील पहिला उपक्रम.
1) शिबिर ठिकाणी तयार करण्यात आलेले सेल्फी पॉईंट हे नागरिकांच्या आकर्षणाचे केंद्र ठरले.
2)तहसील कार्यालय मंगळवेढा आयोजित नाविन्यपूर्ण उपक्रम “शेत कुंडली” हा ठरला राज्यातील पहिला उपक्रम.
3)तृतीयपंथी यांना मुख्य प्रवाहात आणण्यासाठी तहसील कार्यालयाकडून 2 लाभार्थ्यांना विशेष लाभ देण्यात आला.
4) उमेद ग्रामीण जीवनोन्नती अभियान अंतर्गत तालुक्यातील बचत गटांच्या महिलांच्या स्टॉलला नागरिकांनी भेट देऊन केशतेल, बिस्कीट, चिवडा, बासुंदी अशा विविध वस्तू व खाद्य पदार्थांची खरेदी केली.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
