टीम मंगळवेढा टाईम्स ।
मंगळवेढयातील वाढते अवैध धंदे रोखण्यासाठी पोलिस अधिक्षक कार्यालयाचे विशेष पथक मंगळवेढयात दाखल झाले असून शहर व ग्रामीण भाग फिरून अवैध धंदयाची माहिती जाणून घेत कारवाई करत आहे.
दरम्यान निंबोणी येथे रस्त्यावरून येणाऱ्या जाणाऱ्या व्यक्तीकडून अंदाजे आकडयावर पैसे लावून कल्याण मटका घेणाऱ्या नवनाथ गणपती सलगर व सिध्दू सलगर ( रा.घरनिकी ) या दोघांवर गुन्हे दाखल करण्यात आले असून गुरुवारी रात्री उशीरापर्यंत हे पथक मंगळवेढा शहरातून फिरून अवैध व्यवसायिकांचा शोध घेत होते.
मंगळवेढा तालुक्यात लॉकडाऊन शिथील झाल्यानंतर शिथीलतेबरोबर अवैध धंदयांचाही आलेख वाढत जात असल्याचा आरोप नागरिकांचा असून याबाबतच्या तक्रारी थेट पोलिस अधिक्षक तेजस्वी सातपुते यांच्याकडे सुज्ञ नागरिक करीत आहेत.
या वाढत्या अवैध धंदयाला रोखण्यासाठी पोलिस अधिक्षक कार्यालयाचे एक स्पेशल पथक गुरुवारी रात्री ११.०० वाजेपर्यंत अवैध धंदयाचा शोध घेत फिरत असल्याचे चित्र होते.
या पथकाने दि.२९ रोजी ३.३० वा.निंबोणी बसस्थानकाजवळ असलेल्या वडाच्या झाडाखाली कट्टयावर चौकात यातील आरोपी नवनाथ सलगर हा येणाऱ्या जाणाऱ्या लोकांकडून अंदाजे आकडयावर पैसे लावून कल्याण मटका घेत असल्याचे
पथकाच्या निदर्शनास आल्याने त्याला ताब्यात घेवून पोलिसांनी रोख १०२५ रुपये व जुगार साहित्य जप्त केले आहे. स्थानिक गुन्हे शाखेचे पोलिस शिपाई मोहन मनसावले यांनी त्या दोघांविरूध्द फिर्याद दिली आहे .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
