टीम मंगळवेढा टाईम्स ।
मंगळवेढ्यात गेली तीन दिवस वादळी वाऱ्यासह झालेल्या अवकाळी पावसाने ज्वारीची पिके भुईसपाट झाल्याने शेतकरी वर्ग धास्तावला असून शासनाने तात्काळ नुकसानीचे पंचनामे करुन शेतकऱ्यांना आर्थिक मदतीचा हात पुढे करावा अशी मागणी शेतकरी वर्गातून पुढे येत आहे.
काही वर्षापुर्वी मंगळवेढा हा राज्यात ज्वारीचे कोठार म्हणून सुपरिचीत होता. मात्र यंदा निसर्गाने हुलकावणी दिल्याने पावसाची सर्वच नक्षत्रे जवळपास कोरडी गेल्यामुळे
मंगळवेढ्याच्या काळ्या शिवारात ३५ हजार ४५७ हेक्टर क्षेत्रा पैकी यंदा केवळ ९ हजार ३४८ हेक्टर क्षेत्रावर प्रत्यक्ष म्हणजेच ज्वारीची २६ टक्केच पेरणी झाली आहे.
शेतकऱ्यांनी जमिनीत पुरेशी ओल नसतानाही निसर्गावर भरोसा ठेवून महागडी बियाणे, खते आणून काळ्या आईची ओटी भरण्याचे काम केले. मध्यंतरी दिवाळी दरम्यान हलका पाऊस पडल्यामुळे या ज्वारी पिकांना काहीशा प्रमाणात दिलासा मिळाला.
मात्र निसर्गाने आपले रौद्र रुप धारण करत दि.२८ च्या सकाळी व सायंकाळी तसेच दि.२९ च्या पहाटे वादळी वाऱ्यासह झालेल्या पावसामुळे मंगळवेढा, ब्रम्हपुरी, बोराळे, मुंढेवाडी, भाळवणी, निंबोणी या व अन्य शिवारातील ज्वारीची पिके भुईसपाट झाल्याचे चित्र आहे.
पाऊस कमी व वादळी वारे प्रचंड प्रमाणात असल्यामुळे ही पिके भुईसपाट झाल्याचे शेतकऱ्यांचे मत आहे. एकीकडे दुष्काळी परिस्थिती असताना पुन्हा निसर्गाने त्यात घाला घातल्याने दुहेरी संकट शेतकरी वर्गावर कोसळले आहे.
महसूल विभागाने या सर्व नुकसानी पिकाचे पंचनामे करुन नुकसानग्रस्त शेतकऱ्यांना आर्थिक मदतीच्या रुपाने दिलासा दयावा अशी शेतकरी वर्गातून मागणी होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
