टीम मंगळवेढा टाईम्स ।
सोलापूर शहरातील जुळे सोलापूर परिसरातील चंदननगर येथील नीता रेसिडेन्सी या अपार्टमेंटमध्ये शिक्षक महिलेच्या डोक्यात वरवंटा घालून खून केल्याची घटना सोमवारी उघडकीस आली आहे. याप्रकरणी विजापूर नाका पोलीस ठाण्यात नोंद झाली आहे.
अर्चना विकास हरवाळकर (वय ३५) असे खून झालेल्या महिलेचे नाव आहे. अर्चना हरवाळकर ही पती विकास हरवाळकर व मुलगा वेदांत हरवाळकर (वय ०६) असे नीता रेसिडेन्सी मध्ये पहिल्या मजल्यावर राहत होते.
सकाळी पती विकास हरवाळकर यांच्या मोबाईलच्या स्टेटसवर फाशीचा दोरखंड व त्याच्या बाजूला ‘मला माफ करा आम्ही विश्वासाला पात्र राहिलो नाही’ अशा शब्दात वाक्य लिहिण्यात आले होते.
स्टेटस पाहून जवळच राहणारा नातेवाईक गडबडीने सकाळी विकास हरवाळकर यांच्या घरी आला.
बाहेरून दरवाजा वाजवला तेव्हा काही वेळानंतर विकास हरवाळकर याने दार उघडले. दार उघडल्यानंतर नातेवाईक आतमध्ये गेला व त्याने बेडरूम पाहिले असता त्या ठिकाणी अर्चना हरवाळकर ही रक्ताच्या थारोळ्यात मध्ये पडलेली दिसून आली.
जवळ जाऊन पाहणी केली असता ती जागेवरच मरण पावल्याचे लक्षात आले. नातेवाईकाने तात्काळ विजापूर नाका पोलीस ठाण्यात संपर्क साधून माहिती दिली. पोलीस घटनास्थळी येऊन चौकशीसाठी शिक्षक पती विकास हरवाळकर याला ताब्यात घेतले आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
