टीम मंगळवेढा टाईम्स ।
दोन आठवड्यापेक्षा जास्त खोकला असल्यास क्षयरोग असू शकतो. हे तपासण्यासाठी ८ ते २१ मार्च दरम्यान जिल्ह्यातील ग्रामीण भागात व विशेषत दाट लोक वस्ती ठिकाणी क्षयरोग शोध मोहीम सुरू करण्यात आली आहे.
आरोग्य सेवक हे घरोघरी जाऊन नागरिकांची तपासणी करण्यात येत असल्याची माहिती जिल्हा आरोग्याधिकारी डॉ.सोनिया बागडे यांनी दिली.
सोलापूर जिल्ह्यात आरोग्य विभागाच्या वतीने राष्ट्रीय क्षयरोग दुरीकरण मोहिमेंतर्गत सक्रिय क्षयरोग शोध मोहीम राबवली जाणार आहे.
यासाठी आरोग्य कर्मचारी, आशा स्वयंसेविका घरोघरी जाऊन तपासणी करीत आहेत. नागरिकांनी आजाराची माहिती न लपवता ती सर्वेक्षणासाठी येणाऱ्या कर्मचाऱ्यांना देणे अपेक्षित आहे.
त्यात प्रामुख्याने ग्रामीण शहरी भागातील अति जोखमीचे घरांकडे विशेष लक्ष देण्यात येणार असल्याचे डॉ. बागडे यांनी सांगितले.
जिल्हाधिकारी मिलिंद शंभरकर, मुख्य कार्यकारी अधिकारी संदीप कोहीणकर, जिल्हा आरोग्य अधिकारी डॉ. सोनिया बागडे, जिल्हा शल्य चिकित्सक डॉ. धनंजय पाटील यांच्या मार्गदर्शनाखाली राबवली जात आहे.
मंगळवारी आरोग्य मेळावा
घरी येणाऱ्या आरोग्य कर्मचायास व स्वयंसेविकांना आपली माहिती देऊन मदत करावी. १४ मार्च २०२३ रोजी जिल्ह्यातील सर्व आरोग्यवर्धिनी केंद्र अंतर्गत घेणाऱ्या आरोग्य मेळाव्यामध्ये क्षयरोग विषयी उपक्रम राबवण्यात येणार असून त्याचा लाभ घ्यावा आवाहन जिल्हा क्षयरोग अधिकारी डॉ. मीनाक्षी बनसोडे यांनी केलेले आहे.
प्राथमिक केंद्र उपकेंद्रनिहाय पथक
यासाठी जिल्ह्यातील ७७ प्राथमिक आरोग्य केंद्र ४३१ उपकेंद्रातील सर्वेक्षण पथकाची नेमणूक करण्यात .आत्तापर्यंत झालेल्या सर्वेक्षणात ३४ क्षयरुग्ण आढळले आहेत. या रुग्णांवर सध्या उपचार करण्यात येत आहेत.
क्षयरोगाची लक्षणे
या सर्वेक्षणात दोन आठवड्यापेक्षा जास्त अधिक खोकला असणे, दोन आठवड्यातून येणारा ताप, वजनात घट भूक न लागणे, मानेवर इतरत्र गाठी येणे यासह इतर लक्षणांची माहिती घेतली जात आहे. ज्यांना ही लक्षणे आढळतील त्यांच्या थुंकीचे नमुने तपासणी केली जाणार आहेत.(स्रोत:लोकमत)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
