टीम मंगळवेढा टाईम्स ।
पूर्ववैमनस्यातून मंगळवेढा तालुक्यातील तांडोर येथील मारुती उर्फ बाळू पांडुरंग होनमाने (वय ४०) याच्यावर खुनी हल्ला केल्याप्रकरणी कर्नाटकातील शांताप्पा मलकाप्पा बिराजदार , विशाल रंगनाथ हेगडे, रा.हत्ताळी, ता. इंडी, जि.विजापूर यांच्यावर मंगळवेढा पोलिस ठाण्यात गुन्हा दाखल करण्यात आला.
संशयित आरोपींना ताब्यात घेण्यात आले आहे. दि.२७ मे रोजी सायंकाळी साडेपाचच्या सुमारास ही घटना घडली आहे.
पोलिस सूत्राकडून मिळालेली माहिती अशी की, फिर्यादी मारुती होनमाने हे स्वतःच्या घरी असताना अचानक संशयित आरोपी शांताप्पा बिराजदार व विशाल हेगडे हे आले.
त्यांनी मागील भांडणाचा राग मनात धरून फिर्यादीच्या घरासमोर येऊन तुला आज जिवंत सोडणार नाही अशी धमकी देऊन दोघांनी शिवीगाळ करून लाथाबुक्क्यांनी मारहाण केली.
विशाल हेगडे याने फिर्यादीस पकडले. शांताप्पा बिराजदार याने सतूरने फिर्यादीच्या उजव्या हातावर मारून गंभीर जखमी केले आहे. अशी फिर्याद जखमी मारुती होनमाने यांनी पोलिसात दाखल केली.
पोलिसांनी दोघांना तत्काळ ताब्यात घेतले आहे , तपास पोलिस नाईक निंबाळकर करीत आहेत संशयित आरोपी शांताप्पा बिराजदार याने यापूर्वीदेखील असाच प्रकार तांडोर गावात केली होती. त्याच्यावर गुन्हा दाखल करण्यात आला होता. गुरुवारी ही दुसरी घटना घडली आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज