टीम मंगळवेढा टाईम्स ।
मंगळवेढा तालुक्यातील लवंगी येथील मुक्ताई मतिमंद बालगृह या शाळेतील ४१ मतिमंद मुलांना कोरोनाची लागण शुक्रवार दि.२८ रोजी झाली होती.
त्यांना सिव्हिल हॉस्पिटलमध्ये उपचारासाठी दाखल करण्यात आले आहे.दरम्यान या मुलांना कुणामुळे झाली याचा शोध प्रशासनाने घ्यावा अशी मागणी येथील सर्वसामान्य नागरिक करू लागले आहेत.
मंगळवेढा तालुक्यातील लवंगी येथे एक मतिमंद व एक कार्यशाळा गृह अशा दोन संस्था कार्यरत असून यामध्ये अपंग , मतिमंद , बहुविकलांग अनाथ तसेच कोर्टाच्या आदेशाने आलेली १० ते वयोगटातील मुले येथे सांभाळण्यासाठी दाखल केली जातात.
अशा राज्यात तेरा तर सोलापूर जिल्ह्यात एकमेव संस्था लवंगी येथे असून या ४८ मुलांना सांभाळण्यासाठी ३४ कर्मचारी कार्यरत आहेत. सध्या येथील मतिमंद शाळेत ४८ तर कार्यशाळेत १४ विद्यार्थी आहेत परंतु दि .२७ रोजी सकाळपासून येथील मतिमंद शाळेतील विद्यार्थ्याना अचानक ताप येऊ लागल्याने वैद्यकीय अधिकाऱ्यांनी तातडीचे उपचार केले.
परंतु संख्या वाढू लागल्याने शाळा व्यवस्थापनाने ही बाब प्रशासनास व आरोग्य विभागाला कळवली. त्यानंतर तत्काळ सलगर आरोग्य केंद्रातील अधिकारी व कर्मचाऱ्यांनी येथील मुलांची संध्याकाळी ७ वाजेपर्यंत कोरोना टेस्ट करून घेतली. त्यावेळी ४८ पैकी ४१ मुलांची टेस्ट पॉझिटिव्ह आली तर उर्वरित ७ जण व शिक्षक वर्ग यांची टेस्ट निगेटिव्ह आली.
त्यानंतर ही बाब प्रांताधिकारी यांनी जिल्हाधिकारी यांना कळविल्यानंतर जिल्हाधिकाऱ्यांनी सिव्हिल हॉस्पिटलमध्ये बेड उपलब्ध करून दिल्याने त्या ४१ जणांना पुढील उपचारासाठी सोलापूर येथे पाठविण्यात आले असून आता सर्व मुले ठणठणीत असल्याची माहिती आश्रम चालक शिवाजी जाधव यांनी दिली.
सोलापूर जिल्हा परिषदेचे समाजकल्याण अधिकारी संतोष जाधव हे शासकीय रूग्णालयात जाऊन बाधित मुलांची विचारपूस केली आहे. ते आज बालगृहास भेट देणार आहेत.
मात्र , कोरोनाची लागण त्या विद्यार्थ्यांना कशामुळे झाली याची माहिती येथील व्यवस्थापनाला मिळाली नाही.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
