टीम मंगळवेढा टाईम्स ।
येत्या ७ मे रोजी सोलापूर व माढा लोकसभा मतदारसंघासाठी तिसऱ्या टप्प्यातील मतदान होणार आहे. लोकसभा निवडणुकीच्या पार्श्वभूमीवार गेल्या पंधरा ते वीस दिवसांपासून सुरु असलेला प्रचार आज रविवार, ५ मे रोजी सायंकाळी ५ वाजता थांबणार आहे.
लोकशाहीचा सर्वात मोठा उत्सव सध्या सुरु असून लोकसभेच्या ५४३ जागांसाठी सात टप्प्यात निवडणुकांची प्रक्रिया सुरु आहे. सोलापूर व माढा लोकसभा मतदारसंघासाठी तिसऱ्या टप्यातील मतदान मंगळवार, ७ मे रोजी होणार आहे.
सोलापूर लोकसभा राखीव मतदारसंघात भाजपा महायुतीचे उमेदवार आ.राम सातपुते आणि काँग्रेस महाविकास आघाडीच्या उमेदवार आ.प्रणिती शिंदे यांच्यात निखराची लढत आहे.
तर माढा लोकसभा मतदारसंघात भाजपा महायुतीचे उमेदवार खा. रणजितसिंह निंबाळकर आणि महाविकास आघाडीचे उमेदवार धैर्यशिल मोहिते-पाटील यांच्यात काटे की टक्कर आहे. या व्यतिरिक्त वंचित बहुजन आघाडीसह अनेक अपक्ष आमदार देखील दोन्ही मतदारसंघात निवडणुकीच्या रिंगणात आहेत.
गेल्या पंधरा दिवसात पंतप्रधान नरेंद्र मोदी, उत्तर प्रदेशचे मुख्यमंत्री अमित शहा, केंद्रीय रस्ते वाहतुक मंत्री नितीन गडकरी, उपमुख्यमंत्री देवेंद्र फडणवीस, भाजपाचे प्रदेशाध्यक्ष चंद्रशेखर बावनकुळे, माजी शिक्षण मंत्री विनोद तावडे, टी. राजा आणि
काँग्रेसचे नेते राहुल गांधी, माजी मुख्यमंत्री उध्दव ठाकरे, माजी मुख्यमंत्री पृथ्वीराज चव्हाण यांच्यासह अनेक नेत्यांनी सोलापुरात प्रचार सभा घेतल्याने राजकीय वातावरण तापले होते. रविवारी प्रचार थांबणार असून मंगळवारी मतदान होणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज