टीम मंगळवेढा टाइम्स ।
सोलापूर जिल्ह्यातील मोहोळ पोलिस ठाण्याच्या सबजेलमध्ये कोरोनाने एंट्री केली आहे.विविध गुन्ह्यात अटक असलेल्या २० पैकी १३ आरोपींना कोरोनाची लागण झाली असल्याची माहिती पोलिस निरीक्षक अशोक सायकर यांनी माध्यमांशी बोलताना दिली. यामुळे मोठी खळबळ उडाली आहे.
या बाबत सविस्तर वृत्त असे की, मोहोळ पोलिस ठाण्याच्या सबजेलमध्ये विविध गुन्ह्यात अटक करण्यात आलेले एकुण २० आरोपी आहेत.
त्यांपैकी ३ आरोपींना थंडी, ताप, सर्दीचा त्रास सुरु झाल्याने पोलिस प्रशासनाने तात्काळ त्यांना उपचारासाठी मोहोळच्या शासकीय रुग्णालयात दाखल केले.
त्यांना कोरोना सदृष्य लक्षणे असल्याने डॉक्टरांनी त्यांची रॅपीड अँन्टीजन टेस्ट केली असता, तिघेही कोरोना पॉझिटिव्ह आढळून आले.
त्यामुळे त्यांना पुढील उपचारासाठी सोलापूर सिव्हील हॉस्पिटल येथे पाठविण्यात आले.दुसऱ्या दिवशी मंगळवार ९ मार्च रोजी त्यांच्या संपर्कातील उर्वरीत १७ आरोपींची सबजेलमध्ये रॅपीड टेस्ट करण्यात आली.
त्यामध्ये १० आरोपी कोरोना पॉझिटिव्ह तर ७ जण नेगेटेव्ह आढळले. त्यामुळे कोरोना पॉझिटिव्ह आरोपींची संख्या १३ इतकी झाली आहे. यामध्ये एका महिला आरोपीचा देखील समावेश आहे.
या घटनेमुळे मोहोळ पोलिस स्टेशन, तहसील कार्यालय, नगर परिषद कार्यालय, पंचायत समिती कार्यालय परिसरात मोठी खळबळ उडाली असून भीतीचे वातावरण निर्माण झाले आहे.
सध्या कोरोना पॉझिटिव्ह असलेल्या १३ आरोपींवर सोलापूर येथील सिव्हील रुग्णालयात उपचार सुरु आहेत. या पार्श्वभूमीवर नगर परिषद प्रशासनामार्फत पोलिस स्टेशन व जेल परिसर सॅनिटाईज करण्यात आल्याचे पोलिस निरीक्षक अशोक सायकर यांनी सांगितले.
तसेच सदर आरोपींच्या संपर्कात असलेल्या पोलीस कर्मचाऱ्यांनी कोरोनाची लस घेतलेले आहे. त्यांना सध्या तरी कोरोना सदृश्य लक्षणे नसल्यामुळे त्यांची तपासणी करण्यात आली नसल्याचे देखील त्यांनी नमूद केले.(पुढारी)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज