टीम मंगळवेढा टाईम्स ।
एका क्षणाचा राग माणसाच्या आयुष्यावर कसा बेतू शकतो, याची हृदयद्रावक घटना मंगळवेढ्यात समोर आली आहे.
घरगुती वादातून रागाच्या भरात घराबाहेर पडलेल्या रड्डे येथील २२ वर्षीय सुशांत शिवाजी वाघमोडे या तरुणाने गळफास घेऊन आपली जीवनयात्रा संपविली. या घटनेमुळे परिसरात हळहळ व्यक्त होत आहे.
नेमकी घटना काय?
मिळालेल्या माहितीनुसार, सुशांत वाघमोडे हा तरुण मागील काही दिवसांपूर्वी घरगुती वादातून रागाच्या भरात घरातून निघून गेला होता. तो परत न आल्याने मंगळवेढा पोलिसांत त्याच्या बेपत्ता असल्याची (मिसिंग) तक्रारही दाखल करण्यात आली होती.
मात्र, मंगळवारी रात्री ८.४५ च्या सुमारास आंधळगाव शिवारातील माळवाडी फॉरेस्टमध्ये एका झाडाला गळफास घेतलेल्या अवस्थेत एक मृतदेह आढळून आला.
ओळख कशी पटली?
घटनेची माहिती मिळताच पोलिसांनी घटनास्थळी धाव घेतली. मृतदेहाजवळ असलेली विना क्रमांकाची मोटारसायकल, अंगावरील कपडे आणि खिशातील मोबाईलवरून हा मृतदेह सुशांत वाघमोडे याचाच असल्याचे स्पष्ट झाले. त्याचे वडील आणि चुलते अंकुश वाघमोडे यांनी घटनास्थळी जाऊन ओळख पटवली.
पोलीस तपास सुरू
या दुर्दैवी घटनेची नोंद मंगळवेढा पोलीस ठाण्यात करण्यात आली आहे. पोलीस हवालदार धनंजय आवताडे आणि पोलीस हवालदार हाके या प्रकरणाचा अधिक तपास करत आहेत. केवळ एका क्षणाच्या रागाने एका उमद्या तरुणाचा असा अंत झाल्याने रड्डे गावावर शोककळा पसरली आहे.
आयुष्यात कितीही मोठे संकट किंवा वाद आले तरी टोकाचे पाऊल उचलणे हा पर्याय नाही. संवाद साधा, मदतीसाठी मित्र किंवा कुटुंबीयांशी बोला. प्रत्येक समस्येवर मार्ग असतो.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
