मंगळवेढ्यात किराणा दुकानासमोर लावलेली मोटर सायकल चोरटयाने पळविली; चोरटयाविरूध्द गुन्हा दाखल

टीम मंगळवेढा टाईम्स।

मंगळवेढा तालुक्यातील एका गावातील किराणा दुकानासमोर 30 हजार रुपये किमतीची लावलेली हिरो होंडा मोटर सायकल चोरटयांनी पळवून नेण्याचा प्रकार घडला असून या प्रकरणी अज्ञात चोरटयाविरूध्द गुन्हा दाखल झाला आहे.

पोलिस सुत्रांनी दिलेली माहिती अशी, यातील फिर्यादी शुभम बाळासाहेब जाधव(वय 20) याने मरवडे येथे सायंकाळी 7.15 वा.

हिरो होंडा मोटर सायकल क्र एम एच 13 बी.सी.9575 दिपक येडसे यांच्या किराणा दुकानासमोर लावून फिर्यादी हे किराणा साहित्य खरेदी करीत होते.

दरम्यान फिर्यादीची खरेदी संपल्यानंतर सदर लावलेल्या ठिकाणी मोटर सायकल दिसून आली नाही.

आजूबाजूच्या परिसरात सर्वत्र शोध घेतला मात्र मिळून न आल्याने चोरटयाने मोटर सायकल पळवून नेल्याची खात्री पटल्याने अज्ञात चोरटयाविरूध्द गुन्हा दाखल करण्यात आला आहे.

दरम्यान, मंगळवेढा शहर व ग्रामीण भागात मोटर सायकल चोरीच्या घटनेत दिवसेंदिवस वाढ होत असल्याचे चित्र असून चोरीला गेलेल्या मोटर सायकली मात्र सापडत नसल्यामुळे मोटर सायकलस्वार धास्तावले आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262