टीम मंगळवेढा टाईम्स ।
मंगळवेढा शहरात काशीद बिल्डिंग हॉटेल राजयोग समोर माणगंगा परिवार अर्बन को-ऑप क्रेडिट सोसायटी या संस्थेचा भव्य शुभारंभ आज सोमवार दि.14 नोव्हेंबर रोजी सकाळी 11 वाजता होणार असल्याची माहिती संस्थापक अध्यक्ष नितीन(आबासाहेब) इंगोले यांनी दिली आहे.
आमदार समाधान आवताडे व श्री.क्षेत्र शिरूरचे ह.भ.प सद्गुरू कोंडीबा महाराज यांच्या शुभहस्ते तर आमदार शहाजीबापू पाटील यांच्या अध्यक्षतेखाली उद्घाटन करण्यात येणार आहे.
याप्रसंगी माजी आ.प्रशांत परिचारक, राष्ट्रवादीचे प्रदेश उपाध्यक्ष दीपक साळुंखे पाटील, धनश्रीचे संस्थापक अध्यक्ष प्रा.शिवाजीराव काळुंगे, अप्पर पोलीस अधीक्षक हिम्मत जाधव, डीव्हीपी उद्योगसमूहाचे संस्थापक अभिजीत पाटील, विठ्ठलचे माजी चेअरमन भगीरथ भालके,
दामाजीचे चेअरमन शिवानंद पाटील, अग्रणी उद्योग समूहाचे चेअरमन विनायक मोहिते, खरेदी विक्री संघाचे चेअरमन सिद्धेश्वर आवताडे, जकराया शुगरचे कार्यकारी संचालक सचिन जाधव,
भैरवनाथ शुगरचे व्हा.चेअरमन अनिल सावंत, उपविभागीय पोलीस अधिकारी राजश्री पाटील, तहसीलदार स्वप्निल रावडे, मुख्याधिकारी निशिकांत प्रचंडराव यांच्यासह अनेक मान्यवर उपस्थित राहणार आहेत.
बँकिंग क्षेत्रातील प्रदीर्घ अनुभवाचा फायदा समाजातील सर्व सामान्यांना व्हावा ह्या हेतूने माणगंगा परिवार अर्बन को ऑपरेटिव्ह क्रेडिट सोसायटी, सांगोला या संस्थेची स्थापना केली गेली आहे.
सांगोला तालुक्यातील शाखेला मिळालेल्या अभूतपूर्व प्रतिसादामुळे आता मंगळवेढा येथे शाखा सुरू होत आहे.
माणगंगा परिवार अर्बन को-ऑप क्रेडिट सोसायटी ही संस्था पारदर्शक कारभार, ठेवीचे आकर्षक व्याजदर आणि सुलभ व तात्काळ कर्ज पुरवठ्यासाठी सभासदांमध्ये ओळखली जात आहे.
मोबाईल बँकिंग, IMPS,RTGS, NEFT, QR code या सारख्या डिजिटल बँकिंग सेवांसाठी ही संस्था प्रसिद्ध आहे.
तसेच बँकेतील सर्व स्टाफ आनंदाने विनम्र आणि तत्पर सेवा देत आहे. सभासद व ठेवीदार यांनी दाखवलेल्या विश्वासामुळे या संस्थेने अल्पावधीतच खुप मोठी अशी गरुड झेप घेतली आहे.
“आपला परिवार ,माणगंगा परिवार” हे ब्रीदवाक्य घेऊन प्रत्येक घरासाठी, घरातील प्रत्येकासाठी माणगंगा परिवार ही हक्काची संस्था असेल असे आमचे व्हिजन असल्याचे संस्थापक अध्यक्ष नितीन (आबासाहेब) इंगोले यांनी सांगितले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज