टीम मंगळवेढा टाईम्स ।
कोविड १९ व ओमिक्रॉन संसर्गाचा प्रादुर्भा रोखण्यासाठी शासनाच्या नगर विकास विभाग, मदत व पुनर्वसन विभाग, आरोग्य विभाग, जिल्हाधिकारी, नगरपालिका, पोलीस प्रशासन यांनी वेळोवेळी विहित केलेल्या नियमांचे पालन करणे सर्वासाठी बंधनकारक असून
नियमांचे उल्लंघन केले तर कठोर कारवाईचा इशारा
जर कोणी नियमांचे उल्लंघन करताना आढळून तर संबंधितांविरूद्ध कठोर कारवाई करणार असल्याचा इशारा मंगळवेढ्याचे पोलिस निरीक्षक यांनी दिला आहे.
कोरोना व ओमिक्रॉन विषाणूचा प्रादुर्भाव व संक्रमण विचारात घेता सर्वांनींच नियमांचे पालन केले पाहिजे विनाकारण गर्दी करून लोकांचा व स्वताचा जीव धोक्यात घालू नये,
मास्कच वापरावा, रूमाल चालणार नाही
लग्न समारंभास ५० तर मयत अंत्यसंस्कारास केवळ २० लोकांची परवानगी आहे. हाँटेल रात्रौ १० वाजता बंद झाली पाहिजेत. प्रत्येकाने मास्कच वापरावा, रूमाल चालणार नाही.
पहिल्या दिवशी मास्क न वापरणाऱ्यांवर दंडात्मक कारवाई
पोलीस प्रशासनाकडून नियमांची प्रभावीपणे अंमलबजावणी सुरू झाली आहे. पहिल्या दिवशी मास्क न वापरणाऱ्यांवर दंडात्मक कारवाई करून त्यांचेकडून ६५०० रूपयांचा दंड वसूल केला आहे.
सदरची कारवाई जिल्हा पोलिस अधिक्षक तेजस्वी सातपुते, अप्पर जिल्हा पोलिस अधिक्षक हिम्मतराव जाधव व उपविभागीय पोलिस अधिकारी राजश्री पाटील यांचे मार्गदर्शनाखाली करण्यात आल्याचे पोलिस निरीक्षक यांनी सांगीतले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज