टीम मंगळवेढा टाईम्स।
मंगळवेढा-सोलापूर राष्ट्रीय महामार्गावर स्थानिक गुन्हे शाखेने (LCB) मोठी कारवाई करत ब्रह्मपुरी ब्रिजजवळ गांजाची तस्करी करणाऱ्या एका तरुणाला रंगेहाथ पकडले.
या कारवाईत १ लाख २७ हजार ६६० रुपये किमतीचा मुद्देमाल जप्त करण्यात आला असून, या रॅकेटमध्ये सामील असलेल्या एकूण पाच जणांविरुद्ध मंगळवेढा पोलीस ठाण्यात गुन्हा दाखल करण्यात आला आहे.
नेमकी घटना काय?
मिळालेल्या गोपनीय माहितीनुसार, शाहूअली रतीलाल धावड (वय २७, रा. ब्रह्मपुरी) हा वेगमपूरहून गांजा घेऊन ब्रह्मपुरी ब्रिजच्या सर्व्हिस रोडवरून जाणार होता. गुन्हे शाखेचे वरिष्ठ पोलीस निरीक्षक संजय जगताप यांनी माहिती मिळताच पथकासह सापळा रचला.
काल सायंकाळी ४:२५ च्या सुमारास संशयित आरोपी मोटारसायकलवरून पाठीवर मोठी बॅग घेऊन येत असताना पोलिसांनी त्याला थांबण्याचा इशारा केला. मात्र, त्याने पळून जाण्याचा प्रयत्न केला. पोलिसांनी पाठलाग करून त्याला अखेर ताब्यात घेतले.
मुद्देमाल आणि अटक
आरोपीच्या बॅगेची झडती घेतली असता, त्यात ४ किलो १२८ ग्रॅम गांजा (किंमत ८२,५६० रुपये) आढळून आला. पोलिसांनी गांजासह त्याची मोटारसायकल आणि मोबाईल असा एकूण १,२७,६६० रुपयांचा मुद्देमाल जप्त केला आहे.
यांच्यावर झाला गुन्हा दाखल: या तस्करीत सहभागी असलेल्या खालील पाच जणांवर गुन्हे दाखल करण्यात आले आहेत:
शाहूअली रतीलाल धावड (रा. ब्रह्मपुरी), सौरभ इंगोले (रा. औंढी) – (मुख्य पुरवठादार) , सूर्यकांत भागवत भाकरे (रा. पिसेवाडी) ,ब्रह्मदेव दादासो जुगदर (रा. वाकी शिवणे), जब्बार हमजेखान मुल्ला (रा. करगणी)
झटपट श्रीमंतीची हाव नडली
गेल्या तीन महिन्यांपासून आरोपी शाहूअली हा या व्यवसायात सक्रिय असल्याची माहिती समोर आली आहे. ‘झटपट श्रीमंत’ होण्याच्या इच्छेपायी तो या अवैध धंद्याकडे वळल्याची चर्चा परिसरात सुरू आहे. तो सौरंभ इंगोले याच्याकडून माल घेऊन विक्री करत असल्याचे तपासात उघड झाले आहे.
पोलीस पथकाची कामगिरी
ही यशस्वी कामगिरी पोलीस अधीक्षक अतुल कुलकर्णी यांच्या मार्गदर्शनाखाली पोलीस निरीक्षक संजय जगताप, सहाय्यक निरीक्षक अमित वावर आणि अंमलदार नीलकंठ जाधवर,
सलीम वागवान, विरेश कलशेट्टी, जयवंत सादुल, राहुल दोरकर, हरीश थोरात, अन्वर आतार, सुनील पवार, बाळराजे घाडगे, राजेंद्र गवेकर यांच्या पथकाने केली. मंगळवेढा परिसरात या धडाकेबाज कारवाईमुळे अवैध धंदे करणाऱ्यांचे धाबे दणाणले आहेत.
दरम्यान, मंगळवेढा शहरात व परिसरात काही ठिकाणी गांजाच्या छोट्या पुड्या करून विकला जात आहे यावरही कारवाई करावी अशी मागणी आता पुढे येऊ लागली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
