मंगळवेढा टाईम्स न्युज नेटवर्किंग ।
सोलापूर विधानपरिषद निवडणुकीत पंढरपूर नगरपालिकेतील तीर्थक्षेत्र विकास आघाडीच्या 9 नगरसेवकांनी भाजप उमेदवार राजेंद्र राऊत यांना पाठिंबा दिला आहे. काही दिवसांपूर्वीच शिवसेनेत प्रवेश केलेल्या अनिल सावंत यांच्या नेतृत्वात नगरसेवकांनी पालकमंत्री जयकुमार गोरे यांची भेट घेतली.
गोरेंचे राजकीय विरोधक आणि तीर्थक्षेत्र विकास आघाडीचे प्रमुख भगीरथ भालके यांना हा मोठा धक्का मानला जात आहे.
पंढरपूर नगरपालिकेत 36 पैकी भाजपचे 20, माजी आमदार प्रशांत परिचारक प्रणित पंढरपूर मंगळवेढा तीर्थक्षेत्र विकास आघाडीचे 4, एक अपक्ष आणि भगीरथ भालके यांच्या तीर्थक्षेत्र विकास आघाडीचे 13 नगरसेवक आहेत.
तर प्रणिती भालके नगराध्यक्षा आहेत. या निवडणुकीवेळी भालकेंनी पालकमंत्री गोरे यांना थेट आव्हान दिले होते. शिवाय भाजपच्या नगराध्यक्षपदाच्या उमेदवार शामल शिरसट यांचा तब्बल 11 हजार मतांनी पराभव केला होता.
त्या निवडणुकीपासूनच जयकुमार गोरे कधी ना कधी भालके यांचे उट्टे काढणार अशी चर्चा सुरु होती. अखेर त्यांनी तीर्थक्षेत्र आघाडीचा करेक्ट कार्यक्रम केला आहे.
शिवसेना नेते तानाजी सावंत यांचे पुतणे अनिल सावंत यांच्या नेतृत्वाखाली 9 नगरसेवकांनी जयकुमार गोरे यांची भेट घेतली. या सर्व नगरसेवाकांनी भाजप उमेदवार राजेंद्र राऊत यांना आपला पाठिंबा असल्याचे सांगितले आहे. आता मतदान होईपर्यंत गोरे अजून किती धक्के देतात हे पाहावे लागेल.
पंढरपूर नगरपालिका निवडणुकीच्या काळात पालकमंत्री जयकुमार गोरे यांनी ‘भालकेजी, तुम्ही निवडून आल्यानंतर निधी कुठून आणणार आहात. माझ्याकडंच यावं लागणार आहे,’ अशी टीका केली होती.
त्यावर शिवसेना प्रवेशावेळी भालके यांनी उपमुख्यमंत्री एकनाथ शिंदेंच्या उपस्थितीत “आरं निधी देणारा हा माणूस इथं आहे, इथं बघ येऊन, असे म्हणत खणखणीत उत्तर दिले होते. त्यावर ज्या दिवशी डोक्यावरून जाईल, त्या दिवशी सगळं सांगेन, असा गर्भित इशारा गोरे यांनी दिला होता.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
