टीम मंगळवेढा टाईम्स।
मंगळवेढा नगरीच्या वैभवात भर घालण्यासाठी शिवप्रेमी चौकात उभारण्यात येणाऱ्या छत्रपती शिवाजी महाराजांच्या अश्वारूढ पुतळ्यासाठी
दिवंगत आमदार भारत भालके यांच्या स्मरणार्थ विठ्ठल कारखान्याचे माजी चेअरमन भगीरथ भालके यांच्याकडून १ लाख ९९९ रुपयांची देणगी देण्यात आली.
दिवंगत नानांच्या द्वितीय पुण्यस्मरणानिमित्त निधीचा धनादेश छत्रपती शिवाजी महाराज पुतळा समितीकडे सुपुर्द केला.
यावेळी समितीचे अध्यक्ष अजित जगताप, सचिव राहुल सार्वजी, शिवजयंती उत्सव मंडळाचे अध्यक्ष संभाजी घुले, माजी अध्यक्ष ज्ञानेश्वर कोंडुभैरी, माजी नगराध्यक्ष पांडुरंग ताड, लतीफभाई तांबोळी,
चंद्रकांत काकडे, रविराज वाकडे, विक्रम शेंबडे, गणेश धोत्रे, प्रवीण भोसले, विनायक हजारे, अर्जुन देवकर, अजित घुले, रवी घुले, पवन गोवे, कुलदीप जाधव, अजित आसबे, राहुल वाकडे मित्र परिवाराचे सदस्य उपस्थित होते.
स्व.आ.भारत भालके स्मृतीदिन; सरकोलीत हजारो समर्थकांची गर्दी
पंढरपूर- मंगळवेढ्याचे दिवंगत आमदार भारत भालके यांच्या द्वितीय स्मृतीदिनी दोन्ही तालुक्यांमधील सर्वपक्षीय नेतेमंडळी, पदाधिकाऱ्यांसह हजारो समर्थकांनी सरकोली येथील समाधीस्थळी येऊन अभिवादन केले.
सतत लोकांमध्ये वावरणारे लोकनेते, आक्रमक आमदार अशी ख्याती असलेले आ.भारत भालके यांचे २८ नोव्हेंबर २०२० रोजी निधन झाले. त्यानंतर आजही पंढरपूर व मंगळवेढा या दोन्ही तालुक्यांतील अबालवृद्ध त्यांच्या आठवणींनी व्याकुळ होत असल्याचे चित्र सातत्याने दिसून येत आहे.
सोमवारी स्व.भालके यांच्या द्वितीय स्मृतीदिनी विविध पक्ष, सामाजिक संघटनांचे पदाधिकारी तसेच दोन्ही तालुक्यातील गावोगावचे हजारो समर्थक सरकोली येथे दाखल झाले होते.
सकाळपासूनच स्व.भालके यांच्या समाधीस्थळी अभिवादन करण्यासाठी अबालवृद्धांची अक्षरशः दाटी झाल्याचे दिसून येत होते. सरकोली येथील समाधीस्थळी कीर्तन होऊन दुपारी १२ वाजता पुष्पवृष्टी करण्यात आली.
यावेळी राष्ट्रवादीचे नेते कल्याणराव काळे, संत दामाजी साखर कारखान्याचे चेअरमन शिवानंद पाटील, व्हा. चेअमनप तानाजी खरात, भीमा साखर कारखान्याचे चेअरमन विश्वराज महाडिक, मनसे नेते दिलीप धोत्रे, बाळासाहेबांची शिवसेना पक्षाचे संपर्क प्रमुख महेश साठे, संतोष सुळे, राहुल शहा, अजित जगताप,
तानाजी काकडे, बसवराज पाटील, परमेश्वर अवताडे, महादेव फराटे, सुरेश पवार, रामेश्वर मासाळ, चंद्रकांत घुले, बबन ताड, पांडुरंग ताड, ज्ञानेश्वर भगरे, रामचंद्र वाकडे, मुरलीधर दत्तू, किरण घाडगे, मोहन कोळेकर आदी उपस्थित होते. भगीरथ भालके यांनी सर्वांचे स्वागत करून आभार मानले.
कार्यकर्त्यांना अश्रू अनावर
समाधीस्थळी स्व.भारत भालके यांना अभिवादन करताना मंगळवेढा तालुक्यातील अनेक कार्यकर्ते धाय मोकलून रडताना दिसत होते. स्व.भालके यांच्या आठवणी काढत अनेक महिलांना अश्रू अनावर होत असल्याचे चित्र दिवसभर दिसून येत होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज