टीम मंगळवेढा टाईम्स।
भारतीय जनता युवा मोर्चा कडून मुख्याधिकारी याना नगरपरिषदेचा टँकर नाव पुसून वैयक्तिक कामावर गेले अनेक वर्षे वापरला आहे, त्याबदल्यात आता नगरपरिषदेने सदरील टँकर वरचे भाडे वसूल करावे म्हणून निवेदन देण्यात आले.
मंगळवेढा नगरपरिषदेचा टँकर वर्षानुवर्षे ठेकेदार हा स्वतःची मालकी गाजवत वापरत होता. भाजप युवा मोर्चा ने हे प्रकरण उचलून धरले व गोंधळ केला त्यांनतर लगेच दि.25 तारखेला रात्री टँकर नगरपरिषदेच्या आवारात लावण्यात आला.
या प्रकरणाबाबत भाजप युवा मोर्चा जिल्हा सरचिटणीस सुदर्शन यादव म्हणाले, सदरील प्रकाराबाबत मुख्याधिकारी, आरोग्य अधिकारी यांनी आम्हाला काही माहिती नाही, त्यासंदर्भात माहिती घ्यावी लागेल असे पुन्हा एकदा उडवाउडवीची उत्तरे दिली आहेत.
मुख्याधिकारी यांना नगरपरिषदेच्या मालमत्तेची माहिती नसेल तर ते दुर्दैव आहे. टँकर ठेकेदाराच्या कामावरती होता त्याचे व्हिडिओ आमच्याकडे आहेत , अधिकाऱ्यांना टँकर कोठे आहे , हे माहिती नसल्याचे व्हिडिओ आहेत,
टँकर वरील मंगळवेढा नगरपरिषद मंगळवेढा नाव खुडून रंग दिला आहे. हे सर्व असताना मुख्याधिकारी अजून चौकशी करतो, अशी उत्तरे देत आहेत.
ज्या पद्धतीने मंगळवेढा नगरपरिषद नागरिकांकडून घरपट्टी, नळपट्टी चार टक्के व्याजदर लावून वसूल करत आहे. भाजीवाले, फेरीवाले, गाळेधारक, यांच्याकडून पट्टी घेतली जाते, कर घेतले जातात,
त्यापद्धतीने त्यांनी सदरील टँकरचे भाडे रोज 1000 रु प्रमाणे वसूल करावे. जसा न्याय सामान्य जनतेला आहे तसाच न्याय ठेकेदारांना लावा.
येत्या दोन दिवसात सदरील भाडे वसूल करावे अन्यथा भाजप युवा मोर्चा आक्रमक भूमिका घेईल. असा इशारा त्यांनी यावेळी दिला.
सध्या मंगळवेढा शहरात टँकर बाबत चर्चा चालू आहेत. यावरती नगरपरिषदेची भूमिका काय याकडे नागरिक लक्ष देऊन आहेत.
निवेदन देताना भाजप युवा मोर्चा शहराध्यक्ष सुशांत हजारे, सामाजिक कार्यकर्ते आदित्य हिंदुस्थानी, युवा मोर्चा शहर सरचिटणीस अजित लेंडवे, सचिन हेंबाडे उपस्थित होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
