टीम मंगळवेढा टाईम्स ।
पत्नीच्या औषधोपचारासाठी पैसे का देत नाही म्हणून पतीला पत्नी व तिच्या सासरच्या मंडळींकडून लाथाबुक्क्यांनी मारहाण केल्याची घटना मंगळवेढा शहरातील खंडोबा गल्ली (मोरे वाडा) येथे घडली आहे.
याबाबत फिर्यादी काशिलिंग हणमंत रणदिवे (वय २५ रा.शरदनगर,हल्ली खंडोबा गल्ली मोरे वाडा,मंगळवेढा) यांनी दाखल केली आहे.ही घटना २५ फेब्रुवारी रोजी रात्री ११.३० ते २६ फेब्रुवारी रोजी रात्री १.३० च्या दरम्यान मोरे वाडा खंडोबा गल्ली येथे घडली आहे.
पोलिस सुत्रांकडून मिळालेली माहिती अशी की, यातील आरोपी अमोल लोखंडे (रा.पिलीव ता. माळशिरस), सुमन रणदिवे, भीमराव गायकवाड,पत्नीचे आजोबा कांबळे (रा.लवंग ता.माळशिरस)
नाथा अवघडे, हरी अवघडे ( रा कासेगाव ता . पंढरपूर ) इतर दोन अज्ञात जणांनी गैरकायदयाची मंडळी जमवून मी खंडोबा गल्ली मोरे वाडा येथे रहात असलेल्या भाडयाच्या घरात येवून
मला पत्नीच्या औषधोपचारासाठी पैसे का देत नाही म्हणून वरील सर्वांनी लाथाबुक्क्या , शिवीगाळ करून यातील आरोपी अमोल लोखंडे याने डोक्यात हातातील कडा मारून जखमी करून जीवे मारण्याची धमकी दिली आहे.
आरोपीविरूध्द भा.दं.वि. ३२४ , ३२३ , ४५२ , ५०४ , ५०६ , १४३ , १४७ , १४८ , १४ ९ बी.पी. अॅक्ट १३५ प्रमाणे गुन्हा दाखल झाला आहे.पुढील तपास पोलिस हवालदार सुरवसे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज