टीम मंगळवेढा टाईम्स।
विधानपरिषदेचे माजी आमदार प्रशांत परिचारक यांनी विधानसभा निवडणुक लढणार असल्याचे अप्रत्यक्षरीत्या संकेत दिले आहेत. काल कार्यकर्त्यांची बैठक घेत कामाला लागण्याच्या सूचनाही दिल्या आहेत.
नव्या वर्षातील पांडुरंग परिवाराच्या वतीने सुरू करण्यात आलेल्या दिनदर्शिकाचे प्रकाशन मा.आ. प्रशांत परिचारक यांच्या मंगळवेढा येथील संपर्क करण्यात आले. याच वर्षात लोकसभा आणि विधानसभेची निवडणूक असल्यामुळे परिचारकांच्या घोषणेने महत्त्व प्राप्त झाले.
दिनदर्शिका प्रकाशानंतर उपस्थित कार्यकर्त्यांनी या तालुक्यातील प्रश्न अजूनही रखडले आहेत. मालक तुम्ही या मतदारसंघातील लोकांचे प्रश्न सोडवण्यासाठी दर सोमवारी वेळ द्या अशी मागणी केली, असता त्यावर त्यांनी प्रतिक्रिया दिली.
त्यामुळे सोमवारच काय कायमस्वरूपी या मतदारसंघातील प्रश्न सोडवण्यासाठी आपण तयार असून 2023 पर्यंत आपला करार होता.
आता आपण तुमच्या प्रश्नासाठी कायमच उपलब्ध राहणार असून कार्यकर्त्यांना कामाला लागण्याचे संकेत त्यांनी दिले. त्यामुळे आगामी विधानसभा निवडणुकीत प्रशांत परिचारक हे देखील विधानसभेचे दावेदार असल्याचे आता जवळपास स्पष्ट होत चालले आहे. त्यामुळे आगामी काळातील राजकीय हालचाली परिचारक यांच्यासाठी महत्वपूर्ण ठरणार आहे.
मंगळवेढा तालुक्यामध्ये परिचारकांचा विस्तार कमी होता. परंतु दामाजी कारखान्याच्या नेतृत्व शिवानंद पाटील यांची सत्ता आल्यामुळे तालुक्यात गट विस्तार करण्यास संधी मिळाली.
त्यामुळे 2014 व 2019 ला झालेल्या निसटत्या पराभवातील मताधिक्य हे मंगळवेढ्यातून दामाजी कारखान्याच्या सत्तेमुळे भरून निघू शकते. अशा राजकीय अंदाज असल्यामुळे परिचारकांनी आपले राजकीय पत्ते खोल खोलण्यास सुरुवात केल्याचे संकेत मिळू लागले आहेत.
यावेळी संत दामाजी साखर कारखान्याचे चेअरमन शिवानंद पाटील, जिजामाता पतसंस्थेचे रामकृष्ण नागणे, पक्षनेते अजित जगताप, भाजप तालुकाध्यक्ष गौरीशंकर बुरुकुल,
दामाजीचे संचालक दिगंबर भाकरे, गौडाप्पा बिराजदार, भारत बेदरे, विजय बुरुकुल, तानाजी कांबळे, गोपाळ भगरे, कन्हैया हजारे, अशोक माळी, शिवाजी नागणे आदीजन मोठ्या संख्येने उपस्थित होते.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
