मंगळवेढा टाईम्स न्युज नेटवर्क ।
शेतातील वीज वितरण कंपनीच्या डीपीतून आवाज येऊन लागलेल्या आगीत पेटलेले गवत विझविण्यासाठी गेलेल्या एका युवकास विजेच्या तारेचा शॉक लागून त्यात त्याचा मृत्यू झाला तर अन्य दोघे जखमी झाल्याची घटना शेटफळ येथे दि. १५ रोजी सकाळी ११ घडली.
याबाबत अरुण भोसले यांनी फिर्याद दिली. वीज वितरण कंपनीचे तालुका अधिकारी कलशेट्टी, शेटफळचे सहायक अभियंता पुरुषोत्तम ढेरे सोलापूरचे उपविभागीय अभियंता राठोड या तीन अधिकाऱ्यांवर मोहोळ पोलिस ठाण्यात भादंवि १०६ (१) १२५ (अ) ३ (५) प्रमाणे गुन्हा दाखल करण्यात आला आहे आहे.
अधिक माहिती अशी की, फिर्यादी यांच्या शेटफळ येथील शेताजवळ असलेल्या विद्युत महावितरणच्या ट्रान्सफार्मर जवळ मोठा आवाज झाला. आवाज कशाचा झाला हे पाहण्यासाठी फिर्यादी व शेजारील शेतकरी त्याठिकाणी गेले असता तेथे आग लागलेली दिसून आली.
ही आग वीज वितरण कंपनीच्या ट्रान्सफार्मरमध्ये शॉर्टसर्किट होऊ लागल्याचे दिसून आले. आग आटोक्यात आणून घरी जात असताना जवळ असणाऱ्या बांधावर तुटून पडलेल्या विद्युत तारेचा शॉक लागून मनोज विलास डंके खाली पडला.
त्यास नामदेव खडके व फिर्यादी अरुण भोसले यांनीही पकडले. त्या दोघांनाही शॉक बसला. ही घटना पाहून आबा खडके यांनी तत्काळ धावत जाऊन ट्रान्सफॉर्मरची फ्यूज काढल्या. त्यावेळी मनोज याच्या हातात तुटलेली तार दिसून आली.
त्याला तातडीने मोडनिंब येथील एका खासगी रुग्णालयात उपचारासाठी दाखल केले. तेथील डॉक्टरांनी तपासून पुढील उपचारासाठी पंढरपूर येथील रुग्णालयात घेऊन नेले असता तेथील डॉक्टरांनी तपासून मनोजचा मृत्यू झाल्याचे सांगितले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
