मंगळवेढा टाईम्स न्युज नेटवर्किंग ।
महाराष्ट्र विधानसभा सदस्यांद्वारे होणाऱ्या विधान परिषदेच्या नऊ जागांकरिता भारत निवडणूक आयोगाने द्विवार्षिक निवडणूक कार्यक्रम जाहीर केला आहे. या नऊ सदस्यांची मुदत १३ मे २०२६ रोजी संपणार आहे.
त्याचप्रमाणे डॉ. प्रज्ञा सातव यांच्या राजीनाम्यामुळे रिक्त झालेल्या विधानपरिषदेच्या एका जागेसाठी निवडणुकीचा कार्यक्रम जाहीर केला आहे. यासाठी भारतीय जनता पक्षाने ३० जणांची नावे दिल्लीच्या वरिष्ठ नेतृत्वाकडे पाठवली असल्याचे कळते.
विधान परिषदेच्या निवडणुकीसाठी संघटनेत काम करणाऱ्या आणि नव्या चेहऱ्यांना संधी देण्याचा निर्णय भाजपच्या कोअर कमिटीच्या बैठकीत झाला.
दोन दिवसांपूर्वी मुख्यमंत्री देवेंद्र फडणवीस, प्रदेशाध्यक्ष रविंद्र चव्हाण, महसूलमंत्री चंद्रशेखर बावनकुळे, मंत्री चंद्रकांत पाटील, मंत्री आशिष शेलार, मंत्री गिरीश महाजन, मंत्री आशिष शेलार, मंत्री पंकजा मुंडे, ज्येष्ठ नेते रावसाहेब पाटील दानवे, ज्येष्ठ नेते-माजी मंत्री सुधीर मुनगंटीवार, मुंबई भाजप अध्यक्ष अमित साटम आदी उपस्थित होते.
भाजपने कुणाकुणाची नावे वरिष्ठ नेतृत्वाला पाठवली
माधवी नाईक, डॉ. उपेंद्र कोठेकर, मनोज कोटक, केशव उपाध्ये, रवी अनासपुरे, राजेश पांडे, दयाशंकर तिवारी, राम सातपुते, रणजितसिंह निंबाळकर, संजय काका पाटील, विवेक कोल्हे, जगदीश मुळीक,
प्रमोद जठार, संजय केणेकर, अर्चना पाटील चाकूरकर, दादाराव केचे, संजय भेंडे, संदीप जोशी, प्रशांत परिचारक अशा नावांची शिफारस कोअर कमिटीने वरिष्ठ नेतृत्वाला केली असल्याचे बोलले जात आहे.
विधान परिषदेच्या पोटनिवडणुकीसाठी प्रज्ञा सातव यांच्या नावावर जवळपास शिक्कामोर्तब करण्यात आल्याची माहिती विश्वसनीय सूत्रांनी दिली. डॉ. प्रज्ञा सातव यांच्या सदस्यत्वाची मुदत २७ जुलै २०३० रोजी संपणार होती. मात्र त्याआधीच त्यांनी काँग्रेसच्या प्राथमिक सदस्यत्वाचा राजीनामा तसेच आमदारकीचा राजीनामा देऊन भारतीय जनता पक्षात प्रवेश केला.
कोणत्या जागा रिक्त झाल्या?
विधानपरिषद सदस्य संजय केणेकर, नीलम गोऱ्हे, उद्धव ठाकरे, संदीप जोशी, दादाराव केचे, अमोल मिटकरी, रणजितसिंह मोहिते-पाटील, राजेश राठोड आणि शशिकांत शिंदे या नऊ सदस्यांच्या सदस्यत्वाची मुदत १३ मे २०२६ रोजी संपणार आहे.
विधान परिषद निवडणुकीची कार्यक्रम
अधिसूचना गुरूवार, 23 एप्रिल 2026
नामनिर्देशन पत्र गुरूवार, 30 एप्रिल 2026 पर्यंत
नामनिर्देशन पत्रांची छाननी, शनिवार 2 मे 2026
उमेदवारी अर्ज मागे घेण्याचा दिवस सोमवार 4 मे 2026
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
