टीम मंगळवेढा टाईम्स ।
गेल्या काही महिन्यांत दामाजीपंतांच्या पुतळ्याच्या छत्राची दुरवस्था झाली होती. याबाबत खरेदी विक्री संघाचे चेअरमन सिद्धेश्वर आवताडे यांनी केलेल्या पाठपुराव्याला यश आले असून,
पुतळा सुशोभीकरणाचे काम सुरू झाले आहे. यामुळे नागरिकांमधून समाधान व्यक्त होत आहे.
मंगळवेढा शहराच्या प्रवेशद्वारावर असणाऱ्या श्री संत दामाजी पंत पुतळ्याचे छत्र खराब झाल्याने ते काढून टाकण्यात आले होते.
मात्र, दुसरे छत्र उभारणी पुतळा सुशोभीकरणाचे नगरपालिकेने बरेच दिवस झाले तरी सुरू केले नव्हते.
याबाबत नगरपालिकेची उदासीनता पाहून खरेदी-विक्री संघाचे चेअरमन सिद्धेश्वर आवताडे यांनी नगरपालिकेत जाऊन पुतळा सुशोभीकरणाचे काम लवकर सुरू करा,
अन्यथा आपण स्वखर्चातून सुशोभीकरण करू, अशी तयारी निवेदनाद्वारे दर्शवली होती.
तरीही नगरपालिकेकडून याबाबत टाळाटाळ होत असल्याचे पाहून चेअरमन सिद्धेश्वर आवताडे यांनी दुसऱ्यांदा निवेदन दिले व आठ दिवसांचा अल्टिमेटम दिला.
नगरपालिकेने गंभीरपणे दखल घेत पुतळा सुशोभीकरण करण्याचे काम सुरू केले आहे. पहिल्यांदा छत्र उभारले असून,आजूबाजूचे हे काम सुरू केले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज