टीम मंगळवेढा टाईम्स।
पंढरपूर तालुक्यात औद्योगिक वसाहत (एमआयडीसी) उभारणीसाठी सातत्याने पाठपुरावा सुरू असून , याबाबत उद्योग मंत्री उदय सावंत यांच्या दालनात मुंबईत आज लोकप्रतिनिधी , जिल्हाधिकारी, एमआयडीसीचे चे अधिकारी यांची बैठकीचे आयोजित केली आहे.
पंढरपूर तालुक्यात रांझणी व कासेगाव भागात औद्योगिक वसाहत उभारणीसाठी जागेची उपलब्धता होऊ शकतो.
याबाबतची चाचपणी सुरू असल्याची माहिती पंढरपूर मंगळवेढा मतदार संघाचे आमदार समाधान आवताडे यांनी पत्रकार परिषदेत दिली.
गेल्या अनेक वर्षां पासून पंढरपूर तालुक्यात एमआयडीसी व्हावी अशी मागणी होत आहे. पंढरपूर परिसरात चार अभियांत्रिकी महाविद्यालये आहेत.
पंढरपूर शहर हे आठ प्रमुख महामार्गांनी जोडले गेले आहे. वीज, पाण्याची सोय आहे तसेच दळणवळणाच्या सर्व सुविधा उपलब्ध आहेत.
अशा स्थितीमध्ये सुशिक्षित तरूणांना स्थानिक पातळीवर रोजगार मिळावा यासाठी औद्योगिक वसाहत (एमआयडीसी) होणे आवश्यक आहे. स्थानिकांची तशी मागणी आहे.
आज उद्योग मंत्री उदय सावंत यांच्या उपस्थितीत होणाऱ्या बैठकीस एमआयडीसीचे कार्यकारी अधिकारी सोलापूरचे जिल्हाधिकारी मिलींद शंभरकर यांच्यासह इतर अधिकारी उपस्थित राहणार आहेत.
जागा निश्चिती तसेच इतर बाबींवर यामध्ये चर्चा होणार असल्याचे आ.आवताडे यांनी सांगितले. लोकांची सेवा करण्यासाठी आपण आमदार झालो आहोत. पंढरपूर शहराचा विकास करीत असताना त्यामध्ये आपण राजकारण आणणार नाही.
राजकारण बाजूला ठेवून जेवढे काही करणे शक्य आहे , तेवढे करण्याचा आपला प्रयत्न राहणार आहे. शहरात विकास कामे होत असताना तसेच जी काही सार्वजनिक ठिकाणी आहेत , त्याठिकाणचा परिसर चांगला रहावा यासाठी नागरिकांचीही भूमिकाही तितकीच महत्वाची असल्याचे त्यांनी सांगितले.
पंढरपूरचा विकासाभिमुख आराखडा असणार
एमआयडीसी पंढरपूर शहरातील नागरिकांचा विरोध होणार नाही असा विकासाभिमुख विकास आराखडा तयार व्हावा यासाठी प्रयत्न राहणार आहे. शहरातील मैदाने, उद्याने यांचा अधिक विकास व्हावा , रोजगार निर्मिती व्हावी , नाविण्यपूर्ण उपक्रम राबविले जावेत यासाठी पाठपुरावा करणार असल्याचे आ.आवताडे यांनी सांगितले.
२४ गावच्या उपसा सिंचन योजनेसाठी पाठपुरावा
मंगळवेढा तालुक्यातील दुष्काळी २४ गावांसाठीच्या उपसा सिंचन योजनेसाठी सातत्याने पाठपुरावा सुरू आहे योजनेस निधीची उपलब्धता करीत असताना त्यातील त्रुटी दूर करण्यात येत आहेत.
सुमारे ८०० कोटी रूपये खर्चाच्या या योजनेसाठी उपमुख्यमंत्री देवेंद्र फडणवीस अनुकूल आहेत. लवकरच मंत्रिमंडळ बैठकी योजनेसाठीच्या निधीस मंजुरी मिळेल असा विश्वास आ.समाधान आवताडे यांनी व्यक्त केला.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
