मंगळवेढा टाईम्स न्युज नेटवर्क ।
मराठा समाजास आरक्षण मिळण्याच्या मागणीसाठी मराठा आरक्षणाचे नेते मनोज जरांगे पाटील यांनी आंदोलन सुरु केले आहे. या आंदोलनात कोणत्याही युवकाने टोकाचे पाऊल उचलू नये, असे आवाहन मनोज जरांगे पाटील वारंवार करत आहे.
त्यानंतर आरक्षणाच्या मागणीसाठी टोकाचे पाऊल उचलले जात आहे. आता धाराशिवच्या कळंब तालुक्यातील देवळाली गावात 26 वर्षीय तरुणाने शेतातील झाडाला गळफास घेऊन आत्महत्या केली.
मराठा सामाजास आरक्षण मिळत नसल्याने त्यांनी आत्महत्या केल्याचे कुटुंबियांनी सांगितले. योगेश संजय लोमटे असे त्या तरुणाचे नाव आहे.
चिठ्ठीत लिहिले जीवन संपवण्याचे कारण
योगेश संजय लोमटे यांनी गावातील शेतात जावून गळफास घेतला. त्यांच्या खिशात चिठ्ठी सापडली आहे. त्यात चिठ्ठीत मराठा आरक्षणासाठी आत्महत्या करत असल्याचा मजकुर लिहिला आहे. योगेश लोमटे हे उच्चशिक्षित आहेत.
गेल्या काही वर्षांपासून ते नोकरीसाठी प्रयत्न करत होते. परंतु मराठा समाजास आरक्षण नसल्याने नोकरी मिळत नसल्याने ते नैराश्यात आले. त्यामुळे त्यांनी आत्महत्या केल्याचे कुटुंबियांनी सांगितले.
पोलीस घटनास्थळी दाखल झाले आहे. पोलिसांनी पंचनामा सुरु केला आहे. मराठा आरक्षणाचा विषय सुटत नसल्यामुळे तरुण नैराश्यात येत आहे. गेली अनेक वर्षांपासून मराठा आरक्षणासाठी आंदोलन सुरु आहे.
यापूर्वी मराठा समाजाला दिलेले आरक्षण सर्वोच्च न्यायालयात टिकले नाही. त्यामुळे मराठा समाजास ओबीसी प्रवर्गातून आरक्षण मिळावे, अशी मागणी मनोज जरांगे यांनी केली आहे.
मागील आठवड्यात मनोज जरांगे पाटील यांनी आरक्षणासाठी मुंबईत आंदोलन करण्याचे संकेत दिले होते. आता यापुढे कमी सांगायचे आणि कमी बोलायचे पण आता करून दाखवायचे, असे मनोज जरांगे यांनी म्हटले होते.
आपण आपली चाल आता उघड करणार नाही, असे त्यांनी म्हटले होते. आता धारशिव जिल्ह्यातील तरुणाने आरक्षणासाठी जीवन संपवल्यानंतर मनोज जरांगे आणखी आक्रमक होणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
