टीम मंगळवेढा टाईम्स।
विधानसभा निवडणुकीच्या पार्श्वभूमीवर राजकीय वातावरण चांगलच तापल्याचं चित्र पाहायला मिळत आहे. अनेक ठिकाणचे उमेदवार मराठा आंदोलक मनोज जरांगे पाटील यांची भेट घेत आहेत.
पंढरपूर मंगळवेढा विधानसभा मतदारसंघातील राष्ट्रवादी काँग्रेस शरद पवार गटाचे उमेदवार अनिल सावंत यांनी काल अंतरवाली सराटीत जाऊन मनोज जरांगे पाटील यांची भेट घेतली. अनिल सावंत हे आरोग्य मंत्री तानाजी सावंत यांचे पुतणे आहेत. त्यांनी विधानसभेला शिवसेना शिंदे गटाची साथ सोडून हाती तुतारी घेतली आहे.
दरम्यान, यावेळी सावंत म्हणाले की मनोज जरांगे पाटील यांना भेटून दिवाळी पाडव्याच्या शुभेच्छा दिल्या. आमची सकारात्मक चर्चा झाली आहे. मनोज जरांगे पाटील हे विधानसभा निवडणुकीच्या संदर्भात बैठक घेणार आहेत. या बैठकीत ते यासंदर्भात निर्णय जाहीर करणार असल्याचे अनिल सावंत म्हणाले.
दरम्यान, पंढरपूर मंगळवेढा मतदारसंघात राष्ट्रवादी काँग्रेस शरदचंद्र पवार पक्षाला चांगले वातावरण आहे. त्यामुळं या निवडणुकीत विजय आमचाच होणार असल्याचा विश्वास देखील अनिल सावंत यांनी यावेळी बोलून दाखवला.
दरम्यान, अनिल सावंत यांच्या उमेदवारीने पंढरपूर मंगळवेढा विधानसभा मतदारसंघात महाविकास आघाडीत बिघाडी झाली आहे. त्यांनी उमेदवारी जाहीर केल्यापासून जोरदार प्रचाराला सुरुवात केली आहे.
काल दिवाळी पाडव्या दिवशी म्हणून जरांगे पाटील यांची भेट घेऊन आपली भूमिका त्यांच्यासमोर मांडली आहे.
दरम्यान, महायुतीकडून या मतदारसंघात पुन्हा भाजपच्या समाधान आवताडे यांनी संधी देण्यात आली आहे. या मतदारसंघातून निवडणूक लढवण्यासाठी प्रशांत परिचारक हे देखील इच्छुक होते. सावंत कुटुंब मुख्यमंत्री एकनाथ शिंदे यांच्यासोबत असले तरी मला शरद पवार यांच्यासोबत राहायचे असून आरोग्य मंत्री तानाजी सावंत यांचा जिल्हा वेगळा, पक्ष वेगळा आहे आणि त्यांचे विचारही वेगळे आहेत.
मात्र, माझे विचार शरद पवार साहेबांसोबत राहण्याचे असल्याचे अनिल सावंत यांनी सांगितले होते. कुटुंब म्हणून आम्ही परिवार एक असलो तरी आमच्यात राजकीय मतभेद असल्याने मी या वेळेला पंढरपूर मंगळवेढा विधानसभा मतदारसंघासाठी शरद पवारांची तुतारी मागितली होती. त्याप्रमाणे मला किकीट मिळाले असल्याचे सावंत म्हणाले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
